காற்றையும் சிறை வைக்கும்
கபட நாடகம் அறிந்தது நெகிழி

-

நெகிழியை விழுங்கியதோ
தன் நிறத்தை காவு கொடுத்து விட்டு
விழி பிதுங்கும் மீன்

-

நெகிழியைப் பயன்பாட்டில்

இருந்து தூக்கி எறிவோம் என

எழுதப்பட்டிருந்த தாள் இறுதியில்

தூக்கி எறியப்பட்டது

பிளாஸ்டிக் குப்பைத்தொட்டியில் ...

-

நெகிழி என்னும் புடவையை எனக்குக்

கட்டி அழகு பார்ப்பவர்களே ! ஏனோ

நான் அழுவதை பார்க்க மட்டும்

மறந்து (மறுத்து) வீட்டீர்களா?...

இப்படிக்கு
பூமி......

-

காற்றின்
திசையொடு
இலக்கின்றி
பறக்கும்
நெகிழியாக
உன்னிருப்பை
சுற்றி நகரும்
என் மனதைக்
குப்பையிலெறிய
வேண்டியேனும்
தீண்டிவிடு
ஒரு முறையாவது...!

-

மக்காதாம் நெகிழி
மண்ணுக்குள்ளே-அதனால்
மழைநீரும் புகாதாம்
நிலத்தின் உள்ளே- இதை
அறிந்த மானிடரும்
உணரவில்லை- அதனால்
நாளும் பெருகுதாம் நெகிழி
பாருக்குள்ளே
விழிப்புணர்வு சுவரொட்டியும்
படித்துவிட்டு மறுநாள்
நெகிழி பையில் பொருட்கள்
வாங்கிடும் பேதைகளை
என்னென்று சொல்வது
தெரியவில்லை????

-

என்னதான்
குப்பையில் இட்டு
தீ வைத்தாலும்
நெகிழிப்பை போல
மக்காமல் இருக்கிறது
இந்தக்காதல் என்பது !!

-

தேன் கிட்டாத ஏமாற்றம் வண்டுகளுக்கு.
வாசலில் நெகிழிப் பூக்கள்.

-

நெகிழி அரிசி
வந்தாயிற்று
நெகிழி பூ கூட
கவிதையில்
இடம்பெற்றது
சரிதான்
நெகிழி பூ
வைத்து
கடவுளை
தொழும்
நிலை வராது
பார்த்து கொள்வோம்
கடவுள் பாவம்

-

-