என் தோளின் வலிமையை
தன் வல்லமையால்
உலகுக்கு பறைசாற்றும்
என்னவள் என் காதல் தோழி இவள்

-

அலுங்கவுமில்லை
குலுங்கவுமில்லை
அன்பின் பயணத்தில்
எனக்கான களைப்பு
ஏதுமே இல்லை
என்னவள் என் பயணத்தின்
மேடு பள்ளங்களில்
எனை தாங்கும்
எனக்கான
இதய மெத்தை அவள்

-

தோரணங்கள் விளைந்து
தானாய் மலர் சொரியும்
இந்த அழகியல் வனத்தில்
அம்மனாய் அமர்ந்து
அருள் பாலிக்கிறாள்
என்னவள்
என் காதல் அம்மன் இவள்

-

என் கோபமும் உன் காதலுமாய்
கார்மேக பின்னணியில்
ஓர் செவ்வானம்
என்னவள் காதலின்
நாணம் சிவக்கும்
செவ்வானம் அவள்

-

நாணத்தின் நன்மகள் யாரென்று
நயமாய் ஒரு போட்டி
முகில்தனில் முகம் மூடி
முதல் சுற்றில் வென்றாலும்
காற்றையே திரையாக்கி
தன்னைத் தானே இதழ்மூடி
இன்னும் விரியாத ஆம்பல்
வென்றது ஏகோபித்த ஆதரவில்

-

அலைகளுக்கு ஸ்வரம் சொல்லும்
கொலுசுகளின் மணிகள் தான்
காதல் இசையின் ஞானிகள்

-

விழித்திரை இன்னும் மூடவில்லை
ஆனாலும் மூடி திறக்கிறது
விடியலின் திரை
கடமை தவறாமல்

-

இப்படியாக நான் கண்டதில்லை
இதுவரை காணாத மெத்தையது
என் கவலைகளை மூழ்கடித்து
என் இதயத்தை ஆனந்த வெள்ளத்தில்
மிதக்க செய்யும் மெத்தையது
என்னவள் மடி அது
என்னவள் இன்பத்தின்
இலவம்பஞ்சு மெத்தை அவள்

-

சுவாசங்களின் சங்கமம்
சுவாசங்களின் பரிமாற்றம்
புதுராகத்தின் பிறப்பிடம்
என்னவள் அவளிடம்.
என்னவள் சுவாசத்தில்
ராகம் தெளிக்கும்
இசைத்தென்றல் அவள்

-

சுவாசங்களின் சங்கமம்
சுவாசங்களின் பரிமாற்றம்
புதுராகத்தின் பிறப்பிடம்
என்னவள் அவளிடம்.
என்னவள் சுவாசத்தில்
ராகம் தெளிக்கும்
இசைத்தென்றல் அவள்

-