నిర్ణయాలు
బాల్యంలో ఆచరించబడి
యవ్వనంలో తిరస్కరిస్తూ
వృద్ధాప్యంలో మనచే ఇవ్వబడేవి

-

ఆలోచనలకి ఆకారం
ఒక కొత్త మలుపుకి శ్రీకారం

-

అవసరాలను బట్టి,
అవకాశాలను బట్టి,
అనుకూలతను బట్టి,
ఆశలను బట్టి,
ఆశయాలను బట్టి,
తరచు మరేది.

-

కలలకి నెలవవ్వొచ్చు
ఆశలకి మలుపవ్వొచ్చు
గెలుపుకి పిలుపవ్వొచ్చు
విలువల వలువవ్వొచ్చు

-

ఏదైనా చివరివరకూ తీసుకెళ్ళగలననుకుంటేనే మొదలెట్టు... మధ్యలో వదిలేయకు...
అది నీపై ప్రభావం చూపకపోయినా,
నిన్ననుసరించేవారిపై ఉండొచ్చు...
వెన్నెల సతీష్...

-

( in caption )

-

ఆవేశం లోని
నిర్ణయం
ఆనందాన్ని మింగేసే
కేతువు

-

తెలియని వాటికెందుకో
ఆరాటం....
మనసుకు....అన్నీ తెలుసనే
ఉబలాటం....!

-

నిన్నలు మధించి
నేటిని వధించి
రేపుని నిర్మించ
సంకల్పపు స్వరాల
గమనపు గమకాల
ఒక బాస
ఒక ఆశ

-

నిన్ను చూసిన క్షణంలో
నీకే చెందలనే నా నిర్ణయం
నీతో మాట్లాడిన నిమిషంలో
కలిసి బ్రతకాలనే నా నిర్ణయం
నువ్విచ్చిన ధైర్యంతో
నిన్ను పెళ్లాడలనే నా నిర్ణయం
ఏడడగుల బంధంతో ఏళ్ళకీ తరిగిపోని అనుబంధంతో
నీకు అమ్మగా సఖిగా సతిగా
అన్ని నేనై అన్నిటా నేనే ఉండాలనే నా నిర్ణయం
బహుశా ఇదేనేమో
అంతులేని ఆకాశమంత ఆనందాన్నీ
భారమైన భూదేవంత బెరుకునీ
ఒకేసారి నాకందిస్తున్న నా నిర్ణయం.

-