అణా పైసనైనా సంపాదించని
గీ అచ్చరాల్ని గుండె నిండారా ఎత్తుకుని
కాగితపు దోసిట్ల ఒడ్సి వట్టి
పసిపిల్లోలే పదాలను ముద్దాడుకుంటా
నీతి పాఠాలు నేర్పే పుస్తకాలతో దోస్తీ జేసుకుంటా
బత్కు ఎతలను కలంతో కైతలుగట్టి
కదిలే కాలపు కచ్రానికి ముడుపుగడ్తున్నా!..
ఏ పేరు కోసమో, ఎవ్వని మెప్పుకోసమో,
ఎవ్వడి ఎంగిలి మెతుకులకు ఆశపడక
ఆకలికై తండ్లాడుతున్న పేగుల అరుపులతో
అచ్చర పోరుబాట బట్టి
పూటపూటకు ఆత్మ సంతృప్తి గంజి వార్చి
కడ్పు ఆఖలి పండుగను ఏళ్ళదీసుకుంటా వత్తాన్నా!....
-