ഇന്നാ ഓപ്പറേഷൻ തിയേറ്ററിൽ തുടിക്കുന്ന അവന്റെ ഹൃദയത്തെ കൈകളിൽ എടുത്തപ്പോൾ കണ്ണുകൾ നിറയുകയായിരുന്നു. ഒരിക്കൽ ആ ഹൃദയത്തിൽ കൂടുകൂട്ടിയവളാണു ഞാൻ. ഇതേ മാറിൽ ഒട്ടിച്ചേർന്ന് അവന്റെ പ്രണയം നുകർന്നവൾ. ആ വസന്തം കൊഴിഞ്ഞു പോയി എങ്കിലും തളിരറ്റ ഓർമകൾ അവിടെ അവശേഷിച്ചിരിക്കാം. എന്നാൽ ഇന്ന് അതേ ഹൃദയത്തെ ഞാൻ മറ്റൊരാളിൽ തുന്നിചേർക്കുകയാണ്. പഴയ വേരുകൾ എന്നന്നേക്കുമായി മുറിച്ചുമാറ്റി കൊണ്ട്... ഇനി ആ ഹൃദയം മറ്റൊരു വസന്തത്തിനായി തുടിക്കും.. പുതിയ ഓർമ്മകളിൽ ഋതുമതിയാകും...