ഒരു തുണ്ട് കടലാസിൽ ഞാനെഴുതിയ
നീയെന്ന കവിതക്ക് കത്തിച്ചു വെച്ച മെഴുതിരി വെട്ടത്തെക്കാൾ പ്രകാശമായിരുന്നു...

-

പരലോക ചിന്തകളെ
പരമാർത്ഥമാക്കുവാൻ
പാരിലൂടെത്ര ഓടിപിടഞ്ഞു ഞാൻ...

പലകുറി എന്നിലെ
പരമാർത്ഥ ചിന്തകൾ
പാതയറിയാതെ വലഞ്ഞിരുന്നു...

പാതിവഴിയരികെ ഞാൻ
പതറി വീണപ്പോളും
പാരിൻ വെളിച്ചം
പുതു വഴി തെളിച്ചു തന്നു...

പാദങ്ങൾ മണ്ണിൽ ഉറപ്പിച്ചു നിന്നു ഞാൻ
പതറാതെ പുതുവഴിയെ നടന്നു നീങ്ങി...

പുതു ലോകം
പുതു ചിന്ത
പുതു പുത്തൻ ജീവിതം
പുതിയ പ്രതീക്ഷയാൽ
പിറവി കൊണ്ടു...

-

ജീവിത ചക്രം തിരിഞ്ഞു കൊണ്ടേയിരിക്കും ചിലർ അതിനിടയിൽ എന്തു ചെയ്യണമെന്നറിയാതെ നിശ്ചലരാകും എന്നാൽ മറ്റു ചിലർ അതിൽ നിന്നെല്ലാം അതി ജീവനം എന്ന പാഠം ഉൾക്കൊണ്ട് ജീവിത വിജയം കൈവരിക്കും...

-

വെളിച്ചം കാണാൻ
കാത്തിരിക്കുന്ന
മയിൽപ്പീലിയായി
ഞാനും എന്റെ
സ്വപ്നങ്ങളും
കാത്തിരിക്കുകയാണിന്നും
നിന്റെ ചുംബനങ്ങൾ
ഏറ്റു വാങ്ങുവാനായ്...

-

വിദൂരതയിൽ നിന്നും അളവില്ലാ
സ്നേഹവും മറയില്ലാ സൗഹൃദവും
പകർന്നു തന്നെൻ എഴുത്താണിക്ക്
സുഖമെന്ന് കരുതട്ടെ...
വിജയങ്ങളിൽ അനുമോദനമായും...
പരാജയങ്ങളിൽ സ്വാന്തനമായും...
മത്സരങ്ങളിൽ പിന്തുണയായും...
നീ നിറഞ്ഞു നിൽപ്പാണ് ഞങ്ങളിൽ...
തിരക്കിന്റെ തിരയോട്ടങ്ങൾക്കിടയിലും ഞങ്ങൾക്കായ് കണ്ടെത്തുന്ന
സമയത്തിന് ഒത്തിരി സ്നേഹം...
മനസ്സിൻറെ മാന്ത്രികച്ചെപ്പി സൂക്ഷിക്കും
സുഹൃത്തേ നിന്നെ ഞാൻ എന്നും...

-

വിട പറഞ്ഞകലും വേളയിലും
എൻ ചുണ്ടിൽ ചെറു ചിരി ഒന്ന് മാത്രം
ഇൗ ജന്മം ഓർമ്മയിൽ സൂക്ഷിപ്പതിൻ
നീ എനിക്കേകി ഒരു പിടി തണുവോർമ്മകൾ

നിൻ ഓർമ്മകൾ സൂക്ഷിപ്പെൻ ഹൃദയത്തിലെ
ജാലക വാതിൽ ഞാൻ അടപ്പതില്ല
തിരികെ നീ വരുമെന്ന ഹൃതു മന്ത്രണത്താൽ
എൻ ഹൃദയം നിനക്കായ് കാത്തിരിപ്പൂ...

-

പ്രകീർത്തിയിൽ
പ്രകമ്പനം കൊൾകയാണെൻ്റെ
പ്രണയ തൂലിക
പ്രാണ നായകനായ് എഴുതിയ
പ്രണയ ലേഖനമത്
പൂരിതമാക്കുവാൻ
പൂർണ ചന്ദ്രൻ എനിക്കേകി
പൊൻ വെളിച്ചം...
പ്രീതിയാൽ ഞാൻ എഴുതി
പൂർത്തിയാക്കിയ പ്രണയാർദ്ര വരികളെ
പൊതിഞ്ഞീടുമോ നീ നൂറു ചുംബനങ്ങളാലെ...

-

നാളേക്കൊരു മരം നട്ടില്ലെങ്കിലും...!!!
ഭൂമിതൻ അടിത്തട്ടിൽ നിന്നും പുറം ലോകം കാണാൻ കാത്തിരിക്കുന്ന വിത്തുകൾ ഒരു കുഞ്ഞു വെളിച്ചത്തിൽ തലപൊക്കി തുടങ്ങിടുമ്പോൾ പിഴുതെറിയാതെങ്കിലും
ഇരിക്കുവിൻ മർത്യരെ...

-

എൻ ഹൃത്തിൽ കൊരുത്തൊരാ
പ്രണയ കാവ്യത്തിലെ മഴവിൽ
അഴകുള്ള വരികൾ നീയേ...

-

കാലം തെറ്റി പൂത്ത വസന്ത കാലം
...................................................................

ഹൃത്തിനോട് ചേർത്തുവച്ചൊരാ
പ്രണയം ഒരു നിമിഷത്തിൽ
ഇതൾ കൊഴിയും പൂക്കളായ്
മാറിയതെങ്ങനെ...!!!

പൂത്തു തളിർത്തൊരാ വസന്ത
യാമത്തിൽ വെറും വാസന
പൂവായ് മാറിയ നിന്നിലെ
ഗന്ധത്തിൽ ഞാൻ ലയിച്ചു
പോയി...

നിന്നിൽ മൊട്ടിട്ടുണർന്ന എൻ
സ്വപ്നങ്ങളൊക്കെയും കൂമ്പി
നിൽപ്പാണിപ്പോൾ ഗന്ധമില്ലാ
പൂക്കളായ്...

മറക്കുവാനാശിച്ചിരിപ്പാണു
ഞാൻ...
കാലം തെറ്റി പൂത്ത ആ
വസന്ത കാലത്തെ...

-