Read caption

-

വികാരതീരങ്ങൾക്കിക്കരെ
പകൽക്കിനാക്കളുടെ
ചിതയൊരുങ്ങുമ്പോൾ....




Read caption 👇

-

തകർത്തെറിയപ്പെടുന്ന
ചിന്തകളിലെല്ലാം
കാലം കരുതിവെക്കുന്ന
ചിതലരിക്കാത്ത ചില
വിശ്വാസങ്ങളുണ്ട്....
വീണുടയുന്ന
മൺ പ്രതിമകൾ
കണക്കെ മണ്ണിലലിഞ്ഞു
ചേർന്നാലും...
ഭംഗിയും കീർത്തിയും
നഷ്ടമാവാതെ ചിരകാലം
ഓർമ്മകളിൽ ജീവിക്കുന്ന
ചില വിശ്വാസങ്ങൾ...!!

-

ഒരിക്കലെങ്കിലും കൈകോർത്ത്
തോളോട് തോൾ ചേർന്ന്
നിനക്കൊപ്പമൊന്നിരിക്കാൻ
വെറുതെ മോഹിച്ചു ഞാൻ...
നിന്റെ സ്നേഹത്തിൻ ഗന്ധമെൻ
പ്രാണനിൽ നോവിന്റെ മിടിപ്പുകൾ
തീർക്കുന്നു....
നിറമാർന്ന പ്രണയജാലകത്തിൽ
നിന്നും ഓർമ്മകളുടെ..
തീച്ചൂളയിൽ നീറും മുന്നേ..
ഒരുവേള കൂടിയെന്റെ ചേതനയിൽ
നിന്നെ നിറച്ചുവെച്ചു ,
മോഹങ്ങൾ തീർക്കുന്നു ഞാൻ....
ഉത്തരമില്ലാത്ത അനശ്വരമായൊരു
ചോദ്യമായി നീ മായുമ്പോൾ
തിരിഞ്ഞൊന്ന് നോക്കണമെന്നെ..
നമ്മളൊരുമിച്ചു നെയ്ത
സ്വപ്നങ്ങളുടെ തിരിനാളവുമായ്
ഞാനുണ്ടാവുമിവിടെ... നിനക്കായ്...!!

-

എന്റെ മോഹങ്ങൾ താഴിട്ട് പൂട്ടിയ
ഒരു ജാലകവാതിലുണ്ട്
നിന്റെ പ്രണയം കൊണ്ട് നീയത്
തുറക്കുമ്പോൾ കാണാം നിനക്ക്
മുന്നിൽ ഞാൻ പറയാൻ മടിച്ച സ്വപ്നങ്ങൾ
മഞ്ചാടി കുരുക്കളായ് ചിതറി കിടക്കുന്നത്
മാനം കാണാതെ ഞാൻ സൂക്ഷിച്ച
മയിൽ‌പീലികളിലെന്റെ
സ്വപ്നങ്ങൾ തിളങ്ങുന്നത്

-

ആത്മാവുകൾ
അപരിചിതമാവുമ്പോൾ
ഉടലുകൾ
പ്രണയത്തിലാവുന്നതെങ്ങനെ..
വൈകൃതമായ വികാര
പ്രകടനങ്ങൾക്കപ്പുറം
ഹൃദയാഴങ്ങളിൽ
ഉറവയെടുക്കുന്ന
പ്രേമരസങ്ങളിൽ
ലയിച്ചുചേരുന്നതെങ്ങനെ....
ഭ്രാന്തമായ ഒരു സ്നേഹം കൊണ്ട്
ഹൃദയത്തിന്റെ താളബോധം
നഷ്ടമാവുന്ന നിമിഷങ്ങളിൽ
നിരാശയിൽ കുതിർന്ന
തലയിണക്കീഴിൽ ജീവിതം
ഒളിപ്പിച്ചു വെക്കുന്ന
ഓരോ മനസ്സും
വിതുമ്പുന്നുണ്ടായിരിക്കും..
ഉടലിൽ നിന്നും വേർപ്പെട്ടുപോയ
ആത്‍മവിനെ ഒരു മാത്രയെങ്കിലും
തന്നിലെ ജ്വലിക്കുന്ന
പ്രണയം കൊണ്ടൊന്നു
ചേർത്ത് പുണരുവാൻ...!!

-

അക്ഷരപ്പൂന്തോപ്പിലെ
അനന്തവിഹായസ്സിൽ
വിസ്മയം തീർത്തൊരു
വർണ്ണശലഭമായിരുന്നവൾ...
കുസൃതിക്കാറ്റിനൊപ്പം
അപ്പൂപ്പൻതാടി പോലെ....നീ
അകലെ പറന്നകന്നുവോ...
നിന്റെ തലോടലിലൂടെ
പിറവികൊള്ളാനിരിക്കുന്ന
അക്ഷരമൊട്ടുകളോടിനിയും
പരിഭവമരുതേ.... സഖീ...!!

-

ചോദിക്കുമ്പോഴെല്ലാം നീ... അസ്വസ്ഥനാവുന്നതെന്തിന്..?
എന്റെ കരങ്ങൾ നിന്റെ
നെഞ്ചോട് ചേർത്ത്
പിടിക്കുന്നതെന്തിന്...?
പരിഭവം കലർന്ന എന്റെ
മൊഴികളെ തടയുവാൻ
കവിൾത്തടം കോരി മുത്തം
കൊണ്ട് മൂടുന്നതെന്തിന്..?
മുറിവേറ്റ് പിടയുമെന്നറിഞ്ഞിട്ടും
നിന്നെ എന്റെ പ്രാണനിൽ
ചേർത്ത് വെക്കുന്നില്ലേ.....
ഞാൻ......!!
💕Fasi

-

പകുത്തു വെച്ച
സൗഹൃദത്തിൽ...
അകലം തീർത്ത
രാപ്പകലുകളിൽ..
പെയ്തൊഴിഞ്ഞ
നൊമ്പരങ്ങളുടെ
തോരാമഴയിൽ...
കുത്തിയൊലിച്ചു പോയ
നിമിഷങ്ങളുടെ
തീരാനോവുകൾ...
നീയെന്നുമെന്റെ
പ്രാണനിൽ
മധുരം പൊഴിച്ച
മായാകിനാവ്...!!

-

ഭൂത കാലത്തിന്റെ
ദ്രുതസഞ്ചാരത്തിൽ
ആത്മാവ് നഷ്ടപ്പെട്ട
പാഥേയങ്ങളിലേക്കൊന്ന്
തിരിഞ്ഞു നോക്കുമ്പോൾ....
പ്രതീക്ഷയസ്തമിച്ച
മനസ്സിൽനിന്നുയരുന്ന
ദീനരോദനങ്ങളുടെ
പ്രതിധ്വനികൾ മാത്രം....
പിന്നിട്ടവഴികളിലാരുമെന്നെ
കാത്തുനിൽപ്പില്ലെന്നും..
കൂടെയെന്റെ നിഴൽമാത്ര -
മെന്നുമുള്ള തിരിച്ചറിവിൽ
ഗതകാല സ്മരണകളുടെ
ഭാണ്ഡങ്ങളുപേക്ഷിച്ചു
തിരിഞ്ഞുനടക്കുമ്പോൾ...
നിർവ്വികാരതയോടെയെന്നെ
പിന്തുടർന്ന്കൊണ്ടിരിക്കുന്നു..
സ്വന്തത്തോടൊരുനാളും
നീതിപുലർത്താനാവാത്ത
യാഥാർഥ്യങ്ങളും........
ഒരിക്കൽ പോലും
അനുഭവിച്ചതോർമ്മയില്ലാത്ത
ജീവിതസത്യങ്ങളും...!!
💕Fasi

-