-

-

-

കരിഞ്ഞുണങ്ങിയ
ചില്ലകളിലെ
കൊഴിഞ്ഞുവീണ
പൂക്കൾക്കിടയിൽ
ദ്രവിച്ച ഹൃദയമേറുന്ന
കരിയിലകളാണെന്റെ
ഓർമ്മകൾ..

-

വാർദ്ധക്യം വന്നെന്റെ ഭ്രാന്തും നരച്ചു.
പ്രണയത്തിന്റെ നീല ഞരമ്പു മാത്രം
കൂടുതൽ തെളിഞ്ഞു വരുന്നുണ്ട്..
കണ്ടുനിന്നവർ എന്നെ കളിയാക്കി.
"മൂക്കിൽപല്ലുവന്നപ്പോഴാണവർക്ക്
കാമത്തിന്റെ ചോരത്തിളപ്പ്... "

മുടിയിലണിഞ്ഞ പൂവിനോടും
കാലിലണിഞ്ഞ പാദസരത്തിനോടും
കണ്ണിലെ കരിമഷിയോടും
ചുണ്ടിലെ ചുവന്ന ചായത്തിനോടും
ഞാൻ മോശക്കാരിയാണെന്ന്
അവർ രഹസ്യം പറഞ്ഞു..............
പ്രണയം കാമം മാത്രമായവന്
അല്ലെങ്കിലും എന്നെ കാണുമ്പോൾ
ഒരൽപ്പം ചവർക്കും..

എല്ലാത്തിനുമൊടുവിൽ അവരെന്നെ
ഭ്രാന്തിയെന്നു കൂടി മുദ്രകുത്തി...
പ്രണയം മൂത്ത് ഭ്രാന്തായവൾ........
ആഹ്........ അന്തസ്സ്.........

-

ഞാൻ കുഴിച്ചു മൂടിയ ചില സ്വപ്നങ്ങൾ ഇന്നും ഉറങ്ങുന്നുണ്ട് ... കണ്ണീരിന്റെ നനവിനാൽ വേരുകൾ പടർത്തി ഹൃദയത്തിന് മുറിവേകിയ ചില സ്വപ്നങ്ങൾ.......

-

" കൂടെയുള്ളവരെ
വേദനിപ്പിച്ചുകൊണ്ട്
സന്തോഷിക്കുന്നവൾ
പാപിയാണ്.....
പാപി..."

-

-

-

"മീനുകൾ കണ്ണുതുറന്നാണ് ഉറങ്ങാറ്..."



"മീനുകൾ മാത്രമല്ല.
എന്റെ അമ്മയും കണ്ണുതുറന്നാണ് ഉറങ്ങാറ്....."

-