-

நான்
விரும்பியதையெல்லாம்
உன்னிடம்
பேசுவதில்லை
நான்
பேசுவதையெல்லாம்
நீ
விரும்ப
நினைக்கிறேன்

-

இறுதி சுவாசத்தில்
இறங்கி வருகிறது
என் கவிதைகள் !
முகம் காட்ட மறுக்கும்
உன் விருப்பங்களால் !

-

விருப்பமிட்டு படிப்பதற்கும்
படித்து விட்டு விருப்பமிடுவதற்கும்
வேறுபாடு உண்டு...!

-

பல கவிதைக்கு
கீழே இடுவது
விருப்பக்குறி..
சில கவிதைக்கு
அது கவிதையை
அங்கீகரித்து,
இடப்படும்
கையொப்பம்..

-

மறுக்க முடிந்த என்னால்
உன்னை வெறுக்க முடியவில்லை...

-

வேண்டாமென்பது
வந்து குவிகிறது
வேண்டி நிற்பதோ
தாண்டிச் சென்றது

-

நிறைவேறா
கனவொன்று
அழகாய்
சூடிக்கொண்ட
புனைப்பெயர்
விருப்பம் !

-

விருப்பங்கள்
விளையாட்டாய்
போனபின்,
விரும்பி என்ன பயன்.....

-

நீ விரும்பி கேட்டதின்
பெயரில் விலகி
கொள்கிறேன் நான்...
விலக மட்டும் தான்
தெரியுமெனக்கு...
விரும்பாமலிருக்க
தெரியாது...
கேட்டது கிடைத்தவுடன்
கேட்டுவிடாதே அதையும்...!

-