திட்டமிட்டு தான் திருடிக் கொண்டிருக்கிறாய் திரும்பவும் தர இயலாதபடி என் நாட்களை...

-

நடிக்கிறீர் என்று தெரிந்தபின்பும்
உங்களிடம் நடிப்பதா
நகைப்பதா என்று தான் தெரியவில்லை...

-

சில நேரங்களில்
சகித்துக் கொள்ளவும் முடியாமல்
சலித்துக் கொள்ளவும் முடியாமல்
சபித்து விடுகிறது வாழ்க்கை

-

நிரப்பப்படாமல் இருக்கும்
அந்த வலிகள் கூட
நிரம்பி வழிகிறது
சில சந்தர்ப்பவாதிகளை
சார்ந்திருப்பதனால்

-

இந்த இரவும்
சற்று தீராமல் தான் தேய்கிறது சுற்றும் உன் வரவை எதிர்பார்த்து...

-

நீ தீண்டாத இந்த
மீன்களும் தான் இறங்க
மறுத்து அடைக்கலம் கண்டுகொண்டது
என் தொண்டைக்குழியில்

-

குறைகளை மட்டுமே
கண்டறியும் உங்கள்
குறு குறு கண்களுக்கு
என் நிறைகள் மட்டும்
ஏனோ தெரிவதே இல்லை

-

சத்தமின்றி அழுதுவிட்டு
தான் போகிறது
சரியாகிவிடும் என்று
சமாதானம் செய்தபடி
என் நாட்கள்...

-

அப்படி ஒரு ஆனந்தம்
மனதிற்கு பிடித்ததை
மனதார செய்வதில் தான்
என்ன ஒரு சுகம்
சுற்றம் என்ன நினைப்பார்
என்று சற்றும் நினைக்காமல்
அதை செய்ததில் தான்
நான் கண்டுகொண்டேன்
என் பேரின்பம்
எது என்பதை...

-

காலம் யாவற்றையும்
சரிசெய்யும் என்ற
காத்திருப்போடு காத்திருக்கின்றன
நிறைந்தபடி இரவும்
நிறையாத என் கனாவும்...

-