వెన్నెలలా వెలుగులు చిమ్ముతుంది
మకరందము వలె తీయగా ఉంటుంది
అందెలా రవళిలా శ్రవణానందకరంగా ఉంటుంది
చల్ల గాలి వలె మైమరిపిస్తుంది
అమ్మ వలె అద్భుతంగా ఉంటుంది
నా మాతృభాష
తెలుగు

-

మగువ
సుకుమార దైవిక పాదాల
సొగసు ముందు
పసిడికి విడిగా విలువ లేదని
అందెలుగా మారి
అందమైన పాదాలను హత్తుకుంటే
తన అందానికి విలువ ఉంటుందని
పసిడి అందెల అమాయక ఆశ... 🕊️🕊️

-

తొలిసంధ్య వెలుగులో రవళించె నా అందియలు
మునిమాపు మసకలో వినిపించె నా హృదయార్తనాదాలు
ఉదయకిరణాలకు సొంపుగ కదిలే నా కాలి మువ్వలు
చంద్రకిరణాలకు ఉప్పొంగి కారే నా కంట కన్నీరు

-

అందంగా అందెలు వేసుకొని
అలలు ఎగసిపడే సంద్రం వెంట
అల్లరి అల్లరిగా మాట్లాడుతూ
అడుగులు వేస్తుంటే
అంతరంగంలో ఎదో తెలియని
అలజడి మొదలైందే మీనాక్షి!!
...✍️వెన్నెల సీత

-

నా కాలి అందెల
సవ్వడులతో నీ మదిని మీటి..

నా గాజుల గలగలతో
నీ మనస్సును మురిపించి..

నా చెవి ఝంకాలతో..
నిన్ను ఆకర్షించి..

నుదుటున తిలకంతో
తారాస్థాయికి తీసుకెళ్లి..

పాపిట్లో సిందూరమై..
నీ హృదయానికి ఉదయాన్నై
ఉదయించనా.. !

-

కొమ్మల్లో కోయిల
సరాగాలు పలుకుతుంటే...

నా కాలి అందెలు
సవ్వడి చేస్తుంటే...

వర్షపు జల్లులు
నా మోముని తాకుతుంటే...

విరిసిన హరివిల్లును
చూసి మనసు మురిసిపోతుంటే...

వర్షంలో తడిచిందిచాలు అని
అమ్మ మొట్టికాయ వేసింది.

-