-

ഒന്നിച്ചൊരു
മഴ നനയണം
എന്നൊന്നുമില്ല,
പറ്റൂച്ചാ..

ആ മഴയത്ത്
ഒരു സുലൈമാനി
കുടിക്കണം,
മൊഹബ്ബത്ത്
ചാലിച്ച്
ചൂടോടെ...

-

......

-

മഴ ചോരുന്നൊരു രാത്രിയിൽ ഇരുട്ടിനെ കീറിമുറിച്ചു കാറ്റിനെ ചുംബിച്ച് ബൈക്കിലൊരു യാത്ര പോകണം അവനോടൊപ്പം.

-

ഇറയത്ത് ചാരിയ ബെഞ്ചിലൊന്ന്
അമർന്നിരുന്നവൻ പുറകോട്ടു നോക്കി,
ദേവൂ... ഉമ്മറത്തൊരു കട്ടൻ.
കറുത്തിരുണ്ട മേഘപാളികളെ
വലിച്ചുകീറിയപോലെ ഒരു,
മിന്നലൊന്നു പാഞ്ഞു.
ആർത്തിരമ്പുന്ന മഴയുടെ നാദം
കാതിലങ്ങു പതിക്കവെ,
നോക്കിനിക്കെ നീർത്തുള്ളികൾ ,
മേഘപാളികളിൽനിന്നു പൊഴിഞ്ഞു.
ഊതിവന്നകാറ്റ് ഉമ്മറകോലായിൽ
ആഞ്ഞടിക്കവേ അവൻ,
ദേവൂ... മഴയാണ്,
ഉമ്മറത്തൊരു കട്ടൻ..

-

ചോർന്നൊലിക്കുന്ന കൂരയ്ക്കുള്ളിലെ
കഥകൾക്കൊരിക്കലും മഴ പ്രിയപ്പെട്ടവളായിരുന്നില്ല....

-

ആകാശത്ത് കാർമേഘം
ഇരുണ്ട്കൂടുമ്പോൾ,
എവിടെ നിന്നെന്നറിയില്ല,
ചില ഓർമകൾ
മനസ്സിൽ ഇരുണ്ട്കൂടാറുണ്ട്!!

പെയ്തൊഴിയുന്ന മഴയ്ക്കൊപ്പം
ആ ഓർമകളും ഒഴുകി
അകന്നിരുന്നെങ്കിൽ
എന്ന് ആഗ്രഹിക്കാറുണ്ട്.
പക്ഷേ എന്തുകൊണ്ടോ
നടക്കാറില്ല!!

-

മണ്ണിന് മീതെ കിടന്ന എൻ അസ്ഥികളിൽ നിൻ നീർത്തുള്ളികൾ പതിഞ്ഞുവോ..,
അന്നാർത്തു പെയ്യും നേരത്ത് എൻ പ്രണയം നീ അറിഞ്ഞീല്ലയോ..??

കാറൊഴിയും നേരം എൻ മനമൊന്ന് പിടച്ചതല്ലയോ...
നീ വരും നാൾ വരെ ഈ വരൾച്ചയേറിയ കണ്ണുകൾ കാത്തിരിക്കുമെന്ന് നീ നിനച്ചില്ലയോ..??

-വേഴാമ്പൽ

-

ഓർമകളിൽ കോർത്തിണക്കിയതെല്ലാം
ഉള്ളിലൊളിപ്പിച്ചു താലോലിക്കുകയാണ്,
വീണ്ടുമൊരു മഴക്കാലം കൂടി
ചേർന്നിരുന്ന് നനയാൻ.!

-

ഒരിക്കലും ഒന്നാവില്ലെന്നറിഞ്ഞ്
മാനം പൊഴിച്ച മിഴിനീരുകൾ അത്രയും...

ആരും കാണാതെ ഉള്ളില്ലൊളിപ്പിച്ച്,
കറങ്ങി നടക്കുന്ന കള്ളകാമുകനാണ്


ഭൂമി.

-