பிறரை தூக்கி விட குனிவதால் ,
உன் எண்ணம் மட்டுமே உயரும் !
முயற்சித்தால் தான் நாம் உயர முடியும் !!

-

தடைகளைத் தாண்டு
தடுப்பவற்றை உடைத்தெறி
தடம் மாறாதே

தடுப்பவன் எவனுமில்லை
தடுத்திட எவனுக்கும் துணிவுமில்லை

முன்னேறு முழுமூச்சாய்
முயற்சி ஒன்றையே கை கொண்டு

வெற்றி நிச்சயம்
விடிந்திடும் நாள் தூரமில்லை

-

அது வெற்றி பெற
அயற்சி‌ காணாமல்
பயிற்சி செய்...

-

முடிவில் நிற்கின்றேன் என பலரும் கூறினர்
போதும் வீழ்ந்தது என எள்ளி நகைத்தனர்
ஆதரவென்று ஒரு குரல் எழேல் - அச்சமயம்
ஆழியடி யினின்றொலித்தார்ப் போல் மெலிதாய் மனம் குரல் கொடுத்தது - 'நாளை துவங்கும் மீண்டுமொரு தொடக்கம்' என

-

உன்னை குழி தோண்டி புதைத்தாலும்..

நீ விதை என்பதை மறவாதே..!


உன்னை வேலியிட்டு தடுத்தாலும்..

நீ காற்று என்பதை மறவாதே..!


உன்னை ஆழ்கடலில் அடைத்தாலும்..

நீ முத்து என்பதை மறவாதே..!


உன்னை தோல்விகள் சூழ்ந்தாலும்..

நீ முயற்சியை என்றும் மறவாதே..!

-

கரையில் நிற்கும் ஓடம்..

கனவு கண்டது..!

காயம் கண்ட பிறகும்..

எதிர்த்து நின்றது..!

சிதைந்து போகும் வரை..

துணிந்து நின்றது..!

அதன் கனவுகள்..

ஏனோ தோற்றிருக்கலாம்..!

ஆனால் அதன்..

இடைவிடாத முயற்சி..

என்றும் நிலைத்திருக்கும்..!

வெற்றியின் அடையாளமாக..!

-

போகும் பாதை தூரமில்லை.
போக தான் ஏனோ பாதையில்லை...
பாதை வெட்டி புறப்பட்டாலும்
பாதியில் பகைக்கு பஞ்சமில்லை...
கேட்டதை கொடுத்து முன் சென்றால் தான்
கேட்காமல் கிடைக்கும் தேவை எல்லாம்...
கொடுக்க கையில் இல்லை என்றால்,
எளிதில் எதுவும் கிடைப்பதில்லை...
அப்படியும் கிடைத்தால் அது
ஏழ்மையை தவிர ஏதுமில்லை...

-

பாதையில் நடந்தால் பங்கம் என
பயமும் நீ கொண்டாயோ?
பார்வைகள் உனை மாய்க்கும் என
பதற்றம் தான் அடைந்தாயோ?
பாதையும் பார்வையும் தேவையே இல்லை
பலவும் நீ பயின்றாலே...
எரியும் தனல் உனை எரித்தால் கூட
எழுந்து வர நீ முயல்வாயே...

-

முயற்சியோடு....பிறக்கிறேன்..!

வீழும் முன்னே....எழுகிறேன்..!

கற்று கற்று....தெளிகிறேன்..!

ஊக்கத்தோடு....முயல்கிறேன்..!

இலக்குகளை....விதைக்கிறேன்..!

கனவுகளில்....வசிக்கிறேன்..!

'நான்' எனும் பூந்தோட்டத்தில்..

புன்னகைக்கும் மலராக..

அனுதினமும் மலர்கிறேன்..!

-

உன்னுள் ஒளிந்திருக்கும் திறமைகளை செயல்களில் முயற்சிக்காவிடில்
சாத்தியங்களும் கனவாகி கானலாக கடந்துவிடும்...!!!

-