யாருமற்ற
தனிமையை விட

நாமுமற்ற தனிமை
மிகக்கொடியது

-

விழுந்து
எழ நினைத்தவனை
முழுவதுமாய்
புதைத்துவிட்டு
ஒய்யாரமாய்
சிரித்தது

உன்
ஒரு பக்க
கன்னக்குழி

-

ஜெய் மகிழ்மதி
ஜெய் Yqபலி

-

மனிதனுக்கு மட்டுமே
பூமி சொந்தமெனில்,
கடவுள் பிற உயிர்களை
படைத்திருக்க மாட்டார்

நேசிப்போம்
நேசிக்க படுவோம்

-

உன் ஆடம்பர
வெப்பதாகத்
தணிப்பான்களை
அருந்தும் முன்

பிற ஜீவன்களின்
அத்தியாவசிய
குடிநீரை
கொஞ்சம்
வழங்கி விட்டு செல்

-

அனைவருக்கும்
பொதுவாய்
சிவக்கும் மருதாணி
சிவப்பல்ல

உன்னால் மட்டுமே
பொலிவுற சிவப்பேறும்

என் வெட்கக்காதல்

-

எழுந்து மடித்து வைக்கப்பட்ட
படுக்கையில் சிதறிக் கிடக்கும்
தூக்கம் போல

காலங்கள் தீர
காதலித்த பின்னும்
மீதமிருக்கும் பேரன்புத்துகள்கள்...

-

நடுநிசி நாய்களாய்
விழித்துக் கொ(ல்)(ள்)கிறது

கதைக்கவும்
காவலுக்கும்
அனுப்பி வைக்கிறேன்

கவிகள் எனும் பெயரிட்டு...

-

(நி)(ந)னைத்து கொள்கிறேன்

கைகோர்த்த படியான நம்
கடற்கரை நடை கா(ய)(ல)ங்களை...

கடந்தும் விடுகிறேன்
அலையின் அமைதியாய்

-

கண்களால் பற்றியயொன்று
இமைகள் கொண்டு
அணைக்க எத்தனிக்கையில்
சுவாசம் வழி
ஊதி பெரிதாக்கப்பட்டு
இதழ் வழி
கொட்ட முயலுகையில்
நின் கனிவான
கை கோர்த்த
முத்தஈரப்படுத்துதலால்
இதயத்தில் இப்போது
இருவருக்குமான சுகத்தீயாய்

காதல்

-