பொய் சாட்சியும்
அச்சப்படும்
மனசாட்சிக்கு முன்...

-

அன்று அரசாட்சி கூட
மனசாட்சி படி நடந்தது....

-

அவள்: ஏனென்று தெரியவில்லை.. இப்போதெல்லாம் எங்கே பார்த்தாலும் அவன் தான் தெரிகிறான்😍..

அவள் மனசாட்சி: என்னிடமே நடிக்காதே... தேடித் தேடி அவனிருக்கும் இடத்தையே பார்த்தால் அவன் தான் தெரிவான்😏😏

-

தவறை
திருத்திக் கொள்ள
பிழையை அழிக்க
நினைத்தும்
ஏனோ உரியவரிடம்
மன்னிப்பு கேட்ட பின்பு
தான் மனம் சாந்தமடையும்
என்று தன்னை தானே
சமாதானமும் செய்யும்
மனசாட்சி

-

"மனசாட்சிக்கு பயந்து நடப்பவன் நான்"

சொல்லும் போது தான் தெரிகிறது சிலருக்கு மனம் என்று ஒன்று உண்டென்று...

-

என்னுள்ளே தேடினேன், அவர்களிடையே தேடினேன் கண்டு பிடித்து விட்டேன் மனசாட்சியை,இதற்கு மனசாட்சி என்பதை விட மனதின் சாட்சி என்று பெயர் வைக்கலாமே, ஏனெனில் ஒவ்வொருக்கு ஒவ்வொரு நியாயம் இருப்பதால் அதன் உள்ளேயும் வேறுபாடுகள் இருக்கின்றது. தேடுகிறேன் உண்மையான மனிதனின் சாட்சியை நெருங்கிவிடுவேன்!

-

அன்றைய இரவில்
என்றுமே இல்லாத
ஓர் ஒற்றை அதட்டல்,
விடியாத காட்சியின்
குமுறல் தான் என்று,
திறந்த ஜன்னல்
மூடி வைத்து,
உறங்கிய கனவில்,
ஊமைக் குரலில்
மனசாட்சி!

-

இதற்கெல்லாம் யார் சாட்சி?!?....
சிரித்தவனை பார்த்துச்
சிரித்தது அவன் மனசாட்சி..

-

சாட்சி சொல்ல வந்தவர்
மனசாட்சியை கீழே
கழற்றி விட்டு
கூண்டில் ஏறினார்....

-

மனசாட்சி படி வாழ்கிறவர்கள் எவரும்
குற்ற உணர்ச்சிக்கு ஆளாக விரும்ப மாட்டார்கள்

-