பரீட்சைகளில் வென்றதுண்டு
பரீட்சைகளில் தோற்றதுண்டு
இருந்தும் - கற்றுக் கொள்ள
மறந்ததில்லை!

-

அவர்களுக்குப் பிடித்தே பழகிவிட்டது
அவைகளுக்குப் பிழைத்தே பழகிவிட்டது!

-

இங்கு சாதாரணம் என்னவெனில்
இயலாமையில் இன்பம்கண்டு
இளைப்பாறிக் கொள்ளும் ஓர் அற்பமான
இதயம் கொள்வது மட்டுமே!

-

ஒவ்வொன்றாக அவள் இழந்த பின்பும்
ஒரேயொரு அன்பை மட்டும் வேண்டிக்
கொள்கிறது இன்னும் அவள் மனம்!

-

ஒரு பருக்கைச் சோற்றில்
ஓராயிரம் நேசத்தின் பிசைதல்கள்!

“காதல்”

-

-

-

அலைகளின் வார்த்தைகள் கரை
சேர்ந்து கொண்டே தான் இருக்கிறது,
இன்னும் இத்தனை காலமாகியும்
மணலின் காதல் வேண்டி!

-

பெரும் ஆழமாக அழுத்தமாகப்
பதிந்து கொண்ட நேசத்தின் வடு நீ,
மீள மீளக் கேட்டுக் கொள்கிறேன்
தீரா காதலின் வலியொன்றை!

-

அது எப்படியோ தெரியவில்லை,
இன்னும் என்னை ஓர் குழந்தையாகவே
உணரச் செய்கிறது இந்தக்
காற்றும் கடலும் அலையும் மணலும்..,

-