Ghazal غزل
Bey-hijabi bey-hayayi hai magar
Baa-hijabi paarsaai to nahiiñ
Zulm ke aage jukaooñ kyuñ maiñ sar
Meri qismat maiñ ghulami to nahiiñ?
Dil gani ho to hai insañ baadshah
Maal o daulat baadshahi to nahiiñ
Gam, alam, takleef, ranjish aur sitam
Dard hai ye, zindagani to nahiiñ
Khud nahiñ karte ho, kehte ho jo tum
Sheikh ji ye rehnumayi to nahiiñ
Ye jo zalim log hakim haiñ baney
Ye qayamat ki nishani to nahiiñ?
-