(চাৰিশৰীয়া চাৰিদফীয়া কবিতা)
জন্মদিনৰ শুভকামনা মহাননী
চন্দন গগৈ
আজি বোলে কোনোবা আপোনৰ পৰিছে তিথি
ওপজা দিনৰ নিযুত শুভকামনা, তোমালৈ বুলি যাচি
উৰুৱাই পাৰৰ দুপাখিত বান্ধি চেনেহৰ আঁক-বাঁক কৰি
স্নেহ-আন্তৰিকতা ভৰাই টোপোলাটি পঠালোঁ সযত্নে বান্ধি।
কমলীকা অতিকৈ মৰমৰ সখী, আমাৰ যে মহাননী
মাকৰ চকুৰ মণি, গালিও খায় তাই পিছে মাকৰ লগৰী
তাগিদা পিছে কৰে বহুত, উঠে পঢ়ি চাৰি বজাতে বেচেৰী
কমলো দিছোঁ আৰু এটা নাম, মৰমৰ ডোলত এই এনাজৰী।
জীৱনত যোৱা দোপতদোপে আগুৱাই কমলো তুমি
সাফল্যৰ শিখৰ চুই ৰিঙিয়াবা এই মহানক চিনাকি বুলি
অধ্যয়নৰ জৰিয়তে তোমাৰ কৰ্মবলেৰে, জ্ঞানক জয় কৰি
শুভাশা পঠাইছোঁ অন্তৰখন উজাৰি, ল'বা তুমি দুহাত পাতি।
এনেকৈয়ে পৰিচিতি, ইয়ৰক'টৰ উপহাৰ মহাননী
পিছে নিমিষতেই তাইজনী, হৈ ৰ'ল আপোনত্বৰ সাক্ষী
সুদৃঢ় হওঁক সদায়েই ই আন্তৰিকতাৰ জৰী, হৈ শক্তিশালী
প্ৰেৰণাও তোমালৈ নিতে যায় বাগৰি, সফল হোৱা ছোৱালী।
-