അറിവു പകരുന്നതിളയവരായാലും
സ്വീകരിക്കേണം മടിയാതെ!

-

അറിയായ്കയല്ലറിവിന്റെ പരിധി
തേടായ്ക കൊണ്ടൊന്നുമാത്രം
ഞാനറിയാതെ പോകുന്നിതെത്ര
മാത്രം അറിവുകൾ...

-

മനസ്സിനെ അലക്ഷ്യമായി വിട്ടപ്പോഴെല്ലാം
എങ്ങോ മറഞ്ഞ നിധികുംഭങ്ങളുമായിട്ടാണ്
അത് തിരികെ പോന്നത്..

-

രാത്രിയിലെ അന്ത്യയാമത്തിൽ റബ്ബിനോടടുത്ത നേരത്ത്, കണ്ണിൽ നിന്നും വരുന്ന കണ്ണീർ പൂക്കൾ... വല്ലാത്തൊരു സുഗന്ധമാണ് ആ പൂക്കൾക്ക്.....
സ്വർഗ്ഗത്തെ മോഹിപ്പിക്കുന്ന സുഗന്ധം.... അതനുഭവിക്കാൻ ഖൽബിൽ ഈമാന്റെ ഇത്തിരിപ്പോന്ന വെട്ടമുണ്ടായാൽ മാത്രം മതി...

-

അറിയില്ലെന്ന നാട്യം
അറിയുന്നതുപോലും അറിയില്ലെന്നായിടും.

-

അറിഞ്ഞിട്ടുമെന്തേ.. അടുത്തിട്ടുമെന്തേ, അറിയാത്ത നാട്യം?

-

അറിവുകൾ പൂർണമല്ലെങ്കിലും
ലഭിച്ച അറിവുകൾ തിരിച്ചറിവിലേക്കുള്ള
ചൂണ്ടുപലകകളാണ് സഖീ

-

അറിവിന്‌ അളവുകോലിടരുത്
അറിയാനുള്ള ത്വരയെ അകറ്റരുത്.

-

അറിയാത്തതു ചോദിച്ചറിയണം
അറിവുള്ളവർ ചൊല്ലിക്കൊടുക്കണം.
അതു കേട്ടു മനഃപാഠമാക്കണം
അഹംഭാവമകലെക്കളയണം..

-

നിനക്കെന്നെ അറിയാം, എനിക്കു നിന്നെയും. പക്ഷെ ആ അറിവ് അപൂർണമായിരുന്നുവെന്നു മാത്രം.

-