പാതിയിൽ വെച്ച്
മുറിഞ്ഞു പോയൊരു
വഴിയിൽ നിൽക്കുകയാണ്.
അസ്തമയ ശോഭ
ചെന്തീക്കനൽ പോലെ
എന്നിൽ തൊട്ടുഴിയുന്നുണ്ട്.
സങ്കീർണ്ണമായ
ജീവിതാവസ്‌ഥകൾ
മറി കടന്നു മടുത്തിരിയ്ക്കുന്നു.
ഇതിൽ കൂടുതൽ
എന്തെന്നൊരു ചോദ്യം
ഇനി ഞാനും തൊടുക്കയാണ്!

-

നീ വിളിക്കുമ്പോൾ
ഞാൻ വിളി കേൾക്കുന്നു.
നീ കരയുമ്പോൾ ഞാൻ
കൂടെ കരയുന്നു.
നിന്റെ ഇരുട്ടിൽ ഞാൻ
വെളിച്ചം ചൊരിയുന്നു.
എനിക്ക് വേദനിക്കുമ്പോൾ
നീ ചിരിക്കുന്നു.
എന്നെ നീ വെയിലിൽ
നിർത്തുന്നു.
എവിടെ നമ്മുടെ
ജീവനിൽ വേരാഴ്ത്തിയ
പ്രതീക്ഷകളുടെ
തണൽമരം?
ഇവിടെ പൊലിഞ്ഞു പോയ
സ്വപ്‌നങ്ങളുടെ
തരിശു ഭൂമി മാത്രം!

-

നിരപരാധിയുടെ കണ്ണുനീരിന് കണക്ക് ചോദിക്കാതെ ഒരു കാലവും കടന്നു പോയിട്ടില്ല.

-

ആത്മഹത്യകൾ പെരുകുമ്പോൾ
ഉള്ളിന്റെയുള്ളിലൊരാർത്ത നാദം.
കഠിന വാക്കിന്റെ കൂരമ്പു തറച്ച്
കണ്ണീർച്ചാലൊഴുകിയ ദിനങ്ങൾ.
കരഞ്ഞു തളർന്നിട്ടും കരളുറപ്പിൽ
ഞാൻ കര കയറിയ നിമിഷങ്ങൾ
ഹൃദയമുറിപ്പാടിൽ ഓർമ്മ തൻ
ചോരപ്പൂക്കളിന്നും വിടരുന്നുണ്ട്
നോവു തന്ന മനുഷ്യരേറെയും
മണ്ണിലലിഞ്ഞിട്ടും, മനസ്സിലിലുണ്ട്.

-

അന്തരാത്മാവിൽ
ചെന്തീക്കനലുരുകു-
മൊരന്തിയിൽ
ഒരു നിശ്വാസത്തിൽ
അന്ത്യമാം തണുപ്പിൽ
ഉടലിനെ വിട്ടുയരും
ഞാനെന്റെ സ്വപ്ന ഗേഹം
സ്വന്തമാക്കുവാൻ !

-

നിതാന്ത ജാഗ്രത ഇക്കാലത്ത് വളരെ അത്യാവശ്യമാണ്, വാക്കിലും പ്രവൃത്തിയിലും പ്രത്യേകിച്ചും..വിശ്വസിക്കാനാവാത്ത പലതും നമ്മുടെ കണ്മുന്നിൽ സംഭവിച്ചേക്കാം. കൃത്യമായി വിലയിരുത്തൽ നടത്തിയില്ലെങ്കിൽ നാളെ ഒരു പക്ഷേ ചോദ്യ ചിഹ്നമായി നാം മാറിയേക്കാം.!

-

സൂത്രധാരനും...
ചില പരിവാരങ്ങൾ.,
അന്തർ നാടകം!

-

രാമഴത്തുള്ളി...
നിറഞ്ഞും,കവിഞ്ഞുമീ..
മിഴിയിണകൾ!!

-

ചിലർ നമ്മുടെ ആരുമല്ലാതെയിരുന്നിട്ടും ആരൊക്കെയോ ആണെന്ന് തോന്നാറില്ലേ. അത്തരം ആത്മബന്ധം ഉള്ളവർ അപ്രതീക്ഷിതമായി ഈ ലോകത്തു നിന്നും വിട വാങ്ങുമ്പോൾ ഉള്ളിലുണ്ടാകുന്ന വിഷമം പറഞ്ഞറിയിക്കാനാവുന്നതല്ല.

-

ഓർക്കുന്നതിനേക്കാൾ പ്രയാസമുള്ള കാര്യമാണ് ഒരാളെ മറക്കുക എന്നത്!

-