വെറുപ്പിന്റെ തീനാമ്പുകൾ

-

അത്യാവശ്യസന്ദർഭങ്ങളിൽ നമ്മുടെ സഹായം തേടുകയും, പിന്നീട് നമ്മെ അവഗണിക്കുകയും ചെയ്യുന്നവരെ ഒരിക്കലും വിശ്വാസത്തിലെടുക്കരുത്. കാരണം നമ്മുടെ സമയവും, പ്രയത്നവും നമ്മെ സംബന്ധിച്ച് മൂല്യമേറിയതാണ്, പാഴാക്കാനുള്ളതല്ല!

-

ദലമർമ്മരങ്ങൾക്കിടയിൽ കൊഴിഞ്ഞു
വീണൊരു പുഷ്പമായമരുന്നു ഞാനും!

-

ചിതറി വീണ ചിരിമുത്തുകൾ
എത്ര പെട്ടെന്നാണ്
ദുഃഖത്തിനു കാരണമായത്!

ഇടറി വീണ മൊഴിമുത്തുകൾ
എത്ര പെട്ടെന്നാണ്
വഴി മറന്നു പകച്ചു പോയത്!

ഇഴ പിരിഞ്ഞ ഇരുഹൃദയങ്ങൾ
എത്ര പെട്ടെന്നാണ്
വേർപെട്ട് ദൂരെയകന്നത്.

നീയും ഞാനുമിതു പോലെ
നീറുന്ന മൗനത്തെ
വാരിയെടുത്തണിഞ്ഞത്?

-

ചോന്നു തുടുത്തൊരു പൂവ്
ചോദിക്കാതെ ഞാൻ നൽകി
നീയതിനെയെറിഞ്ഞു കളഞ്ഞു
നീൾ മിഴികളിൽ നീര് പൊടിഞ്ഞു.

-

കഥാപാത്രങ്ങൾ..
അഭിനയ മികവിൽ.,
ഇതും ജീവിതം!

-

യുദ്ധഭൂമികൾ.
സമര കാഹളങ്ങൾ.,
ആറടി മണ്ണ്!

-

അമ്മയില്ലാക്കാലത്ത്- കവിത

-

ये ज़िन्दगी....
तेरे बिना मैं
मेरे बिना तू
ओर ये ख़ामोशी...

-

കാലമെത്ര കഴിഞ്ഞു,
കാവ്യ ഗംഗയെന്നിൽ
കനിയാനായ് ഞാനെത്രയോ
കാത്തിരുന്നതോർക്കുന്നു
വാക്കുമൊട്ടും വഴക്കമില്ലാതെ
ദൂരെയെങ്ങോ മറഞ്ഞു നിൽപ്പായി.
അക്ഷരക്കടൽ തീരത്തിനപ്പുറം
ഉത്തരം തേടി നിന്നതുമോർമ്മ.
നിത്യവും സാധന ചെയ്യുകിൽ
ഏകാഗ്രമായ് ധ്യാനിക്കുകിൽ
മാത്രമുള്ളിൽ കിനിയുമാ മധുരം.
നമ്മിൽ കനിയുമമൃതധാര!

-