முத்தமிழின்
மூன்று 'லழள'கரம்..
கரம் சேரும்
உன்னதம்
"தொழிலாளர்"

-

உழைத்து வாழ வருபவரை
வாழ வைக்கும் சென்னை...
அனைவரையும்
ஆதரிக்கும் சென்னை...

-

உண்ணும் உணவும்
பெறும் ஊதியமும்
செரிக்க...உழை...

-

இருள் சூழ்ந்த இரவுகளில்..!

என் புத்தகமும் நானும்..

விழித்திருக்க..!

மனம்தனில் மிளிர்கின்றது..!

தன்னம்பிக்கை எனும்..

அகல் விளக்கு..!

-

உழைக்கும் வர்க்கத்தின் சாயல்
குத்தும் குளிரிலும்
நடுநாசியிலும்

உழைப்பை உதாசீனப்படுத்தும்
இவ்வுலகில்
இவரும் ஒருவர்

இவையெல்லாம் படைத்தவர்
ஒரே கடவுளாம்
நம்புங்கள்......

// அவரும் கடவுளும்//

-

பசி உண்டு
தான்
ஆனால்
கையேந்த
மாட்டேன்

-

மின்னல் வெட்டாக
கருகிய அவர்களின்
உள்ளங்கைகளின்
ஆயுள் ரேகையில் மட்டும்
ஏனோ அவசர அவசரமாக
உழைத்து ஊறலெடுத்தே
கனத்து கன்றிய வாசம் நுகர்கிறேன்...!!!

-

புருவத்தை
சீராக்கி
வண்ணம்
சுமக்கும்
கண்களை விட
உழைத்து
கருவளையம் சுமக்கும்
கண்களே
விலைமதிப்பில்லாதது

-

தன்னை மறைத்து கொண்டு
பூக்களை தாங்கி நிற்கும்
நாரின் உழைப்பை உலகம்
அறியாது இருப்பினும்...
அதன் உழைப்பில் உதிராது
இருக்கும் பூக்கள் அறிந்திருப்பது
அவசியமே...!

-

இன்பம் வரும் போதும்
துன்பம் வரும் போதும்
நம்முடன் இருக்கும்
ஒரே நண்பன்
" உழைப்பு "
மட்டும்தான்

-