முத்தமிழின்
மூன்று 'லழள'கரம்..
கரம் சேரும்
உன்னதம்
"தொழிலாளர்"

-

சற்று நில் நதியே..
அன்னைப் போலவே நீயும் நிற்காமல்
ஓடி உழைத்து, மகிழ்விக்கிறாயே..
நீ எப்போதும் இளைப்பாறுவாய் ?

காலம் நிற்காமல் காடு தாண்டி ஓடுகிறாய்
கிளைகள் தாழ்ந்து தடவிக் கொடுக்கும்போதா ?

நீயும் பெண் என்பதால் மரங்கள்
மலர் தூவி ஒப்பனை செய்யும்போதா ?

ஓடிய நீ நின்றெழுந்து அருவியாய்
அசுர உருவம் அடையும்போதா ?

கொஞ்சம் சொல் நதியே!!

-

வானத்தில் மலர்ந்த மறையாத
வானவில்,
அந்த அழுக்கு கண்ணாடியில்
அவளுடைய அழகான முகத்தை
பார்த்ததும் தொலைந்தவன்,
பாறை கரைந்து பாழாக,
இளமை வெடித்து
இரண்டாகி கொதிக்கிறது !

-

உலகின் கனவுகள் ஒன்றாகி
ஒரு விடியல் நதியில் கரைகிறது
உயிரின் கனவே உனைத் தேடி
என் ஒவ்வொரு விடியலும் அலைகிறது..!

-

கலங்கள் எதிரே சிரிக்கிறது
கால்கள் புறப்பட நினைக்கிறது..
உடல் பொருள் மட்டும் உள்ளது
என் ஆன்மா அது
உன்னில் எங்கும் மிதக்குகிறது..
நாட்கள் முடிந்து அலைகிறேன்
இதயம் வெடித்து தவிக்கிறேன்..
நினைவால் இனி கூட வரும்
இதுபோல் இல்லை வேறு இடம்..

-

அந்திக்கனவுகளுக்கு 
விடைகொடுத்து 
சாளரம் நோக்கிய கண்களிலிருந்து 
தொலைந்து போனது
எனது இருவிழிப்பந்துகள்.. 

பார்வை பரிதவிப்புகள் 
அந்தக் கண்களில் நிழலாட
உள்ளுக்குள்ளோ
கந்தகத் தாபங்கள்..

நிலவு, நீரோடையிடம்
நிதர்சனமாய் கலந்துநிற்க 
நான் மட்டும் தனியே..

-

உறைந்த உரையாடலை
உலர்த்த உணர்வில்லையா ??
உறைப்பனி உறங்குமுன்
உயிர் உறவா உடன்வா !!

-

வழக்கமான செயல்களை
வழக்கமான நபருடன்
வழக்கமாக செய்வது இன்று
வழக்கத்திற்கு மாறாக மாறியது

-

எல்லா சிரிப்புகளும்
சந்தோசத்திற்கு சொந்தம் இல்லை

-

நேரங்கள் இருப்பதையே மறந்து
போகும் வரை பேச கிடைப்பவர்கள் வரம்

-