સાંજ ને પોતાના ખભા પર લઇને લગભગ ૩:૪૭ એ બપોર નીકળી હતી, ઠેકાણે પહોંચવામાં હજું જરાક વાર હતી!
ત્યારે રસ્તામાં તારું સરનામું મળ્યું ને સાંજ રોકાઈને ક્યાં રાત થઈ એ જ ખબર ન પડી !

એ સાંજ તારા આંગણે જમાં રાખી છે,
એક સાંજે મળીશું એ વાતની ખાતરી આપી છે.

-

શનિવારના ધોમધખતા તાપમાં
પુખ્ત વયની બપોર નીકળી બહાર

ક્યાંક કોઈ કાચી ઉંમરનો રવિવાર
ટોપી વગર બહાર તો નથી નીકળ્યો !...

-

આમ જ સવાર,બપોર,સાંજ,રાત વીતી રહ્યા છે રોજેરોજ,
એકાદું બહાનું મને મળવાનું કરવામાં તને શો ભાર લાગે છે?
© જિગીષા રાજ

-

ઉનાળાની શુષ્ક બપોરમાં આ એ જ લાગે,

સંદેશો પણ આવતો જેનો લાગણીઓનો ભેજ લાગે...


~ ઉમેશ વી. શાહ

-

બપોર પર છે ફક્ત આપડો હક
સાંજે તો જોને ભીડભાડ અપાર

-

હશે કોઈક કાગળ પર લખેલું નામ મારું,
આ બપોર ટપાલીની વાટમાં, ધીમી ચાલે છે.

ત્વરા
વાટ=રાહ
વાટ= રસ્તો

-