उसने लौटकर, मुझ में बसंत उगाई है,
हुआ है रंगबिरंगी हर रास्ता जीवन का ।

किसीका होनाभर जिंदा कर जाता है कैसे?

त्वरा

-

કૉફી કાળી હું,
તું છે માણસ ચા નો,
જોડી મજાની.

ત્વરા

-

ભળી જાઉં હું
થઈ સાકર મીઠી
કૉફીમાં તારી.

ત્વરા

-

હોવું તારું છે
સોડમ જીવનની
કૉફી સરીખી.
ત્વરા

-

ભાત અનોખી
પાડી જીવતરમાં
પ્રેમનાં નામે.
ત્વરા

-

ટેરવે ઉગ્યાં
સંભારણાં કૉફીનાં,
સજળ આંખો.

ત્વરા

-

મારી ઘડિયાળમાં ઉપસી છે રંગોળી યાદોની,
ખાય છે વધામણી ઋતુઓ તારાં આગમનની.

મારી આંખોમાં સૂરજમુખી ઉગ્યા પ્રેમની વસંતનાં.

ત્વરા

-

વીતે છે તું પળેપળ, સમયનાં કાંટા સાથે,
ખર્ચાઉં છું હું, એક એક સેકંડનાં ટકોરે.

વખત જુદાઈનો સરકે છે, જોને, કાચબા જેમ.

ત્વરા

-

બાંધી શકીએ તો બાંધી લઈએ
રોકી શકીએ તો રોકી જ લઈએ
સમય,ઉંમર અને લાગણીનું પર્વ
તારી અને મારી આ દોસ્તીનું પર્વ.

ત્વરા

-

હું ઈચ્છું તો પણ બાંધી ન શકું,
એ ચાહે તો પણ જઈ ન શકે.
વાત ઋણાનાં બંધની છે અને
'પ્રેમ' એ નામ આપ્યું છે અમે.

ત્વરા

-