ਲੱਖ ਮੁਸੀਬਤਾਂ ਝੱਲੀਆਂ ਓਹਨੇ ਹਿੱਕ ਤਣਕੇ
ਭਾਵੇਂ ਉਮਰ ਚ ਹਾਲੇ ਨਿਆਣੀ ਏ
ਹੁੰਦੇ ਹੋਣਗੇ ਲੋਕੀਂ, ਸੂਰਤਾਂ ਨਾਲ ਰੂ-ਬ-ਰੂ
ਮੈਂ ਤਾਂ ਸੀਰਤ ਓਹਦੀ ਪਛਾਣੀ ਏ
ਉਹ ਕੀ ਏ ਮੇਰੇ ਲਈ, ਨਾ ਕੋਈ ਜਾਣ ਪਾਇਆ
ਇਸ ਗੱਲ ਤੋਂ ਸ਼ਾਇਦ ਓ ਵੀ ਹਲੇ ਅਣਜਾਣੀ ਏ
ਓਹਦੀ ਕਿਸਮਤ ਰਹਿੰਦੀ ਸਦਾ ਓਹਦੇ ਨਾਲ ਲੜਦੀ
ਜਿਵੇਂ ਹੁੰਦੀ ਓਹਦੀ ਛੋਟੀ ਦਰਾਣੀ ਏ
ਕਈ ਆਖਦੇ ਨੇ ਮੈਨੂੰ ਬੜਾ ਸੁਲਝਿਆ ਹੋਇਆ
ਪਰ ਓਹ ਤਾਂ ਮੈਥੋਂ ਵੀ ਵੱਧ ਕੇ ਸਿਆਣੀ ਏ
ਕਿਵੇਂ ਸ਼ਬਦਾਂ ਵਿੱਚ ਓਹਨੂੰ ਮੈਂ ਬਿਆਂ ਕਰਦਾ
ਉਹ ਤਾਂ ਖ਼ੁਦ ਹੀ ਇੱਕ ਕਹਾਣੀ ਏ...
-