Meri aankho ne aansuo ki,
Tab bin mausam barish ki thi,
Jab usne mujhse milne ki,
Phir se ek gujarish ki thi.
Mere dil me armaan jagakar tune,
Jab kisi or ka sath manga tha,
Mujhe beech raah me chodkar tune,
Tab kisi or ka hath thama tha,
Jaankar tere har ek raaz ko...
Mene phir bhi teri or tune usi ki khawish ki thi,
Phir kyun itne saalo ke baad...
Mujhse milne ki phir se ek gujarish ki thi.
Samandar se gehra tha apna rishta,
Per tu to uski kashti saja rha tha,
Sath dekar har kadam per uska,
Tu to meri hasti ko hi mita rha tha,
Jaankar apne bech ke uss tufaan ko...
Tune to phir bhi usi ki sifarish ki thi,
Ab aisa kya ho gya tha...
Jo tune mujhse milne ki phir se ek gujarish ki thi.
-