"Na Jaane Kon!!!"
Mujhe usse mohabbat thi ya nafrat thi
Wo mera dost tha ya tha koi dushman
Use sooraj hi bhaata tha magar mein chaand ka diwaana tha
Wo din se karta tha mohabbat Aur mujh ko raat ki taariqiyo se pyaar tha
Mein usse aur wo khud bhi mere se bahut hi mukhtalif tha
Wo aksar bheed me rehta mujhe tanhai hi raas aati thi
Haan usko shaukh aur chanchal fizaao se mohabbat thi
Mujhe sehra ki retili hawao se mohabbat thi
Wo jugnu tha to mai parwaana tha
Wo roshni ka maalik, Mera parwano se hi dostana tha
Wo aksar phool chunta tha gulaabo ke
Mujhe kaanto se ragbat thi
Ubharte hue sooraj se ankhein wo milata tha
Magar har guzri hui shab ka maatam mein manata tha
Meri fitrat me thi bas khamoshi hi khamoshi lekin
Use to bolna bhi aata tha
Wo khud hamesha dil se hasta aur hasata tha
Mein har shab jaag kar khud ko rulata tha
Mein har waqt dil ki hi suna karta
Wo aksar aql se hi kaam karta tha
Use dunya me rehna tha
Mera to bas khyaalo me thikana tha
Wo bhi mein tha , mein bhi mein hoon
Wo shayad koi aur hi tha ya phr shayad wahi mein tha
Na Jaane Kon tha wo...Mein ya koi aur!!!!
-