કોઈ દિકરી ને પૂછજો પોતાનુ ઘર છોડવું કેટલું મુશ્કેલ છે
આ તો રિવાજ છે, બધાં એ કરવો પડે;
કહેવું સહેલું છે પણ વિચારજો કરવું કેટલું મુશ્કેલ છે..!

પોતાના બધાં સંબંધો ને પાછળ છોડી,
પારકાઓ ને પોતાના કરવા, ખરેખર ખૂબ જ મુશ્કેલ છે
એ છતા બન્ને પરિવાર ને સાથે રાખી ને ચાલે છે,
કોઈ દિકરી ને પૂછજો પોતાનુ ઘર છોડવું કેટલું મુશ્કેલ છે..!

બાળપણ થી જેને તમે પોતાનુ ઘર માનતા હતાં,
ત્યાં હવે મહેમાન છો એમ સાંભળવું કેટલું મુશ્કેલ છે
એ છતા હસી ને આ વાત સ્વીકારી લે છે,
કોઈ દિકરી ને પૂછજો પોતાનુ ઘર છોડવું કેટલું મુશ્કેલ છે..!

ઘણાં સપનાઓ હતાં ઉંચે ગગને ઉડવાનાં,
પોતાની પાંખોથી બીજા ને ઉડાન આપવી કેટલું મુશ્કેલ છે
એ છતાં બધાં સમાધાન કરી લે છે,
કોઈ દિકરી ને પૂછજો પોતાનુ ઘર છોડવું કેટલું મુશ્કેલ છે..!

-

એ માટી ની બનેલી છું હું....
જે માટી માં પેલા સમાધિ લેવાઈ હતી મારી...
એ માટી ની પુત્રી છું હું....
જે માટી એ ફરી જનમ દીધો છે મને...

-

સમાજ ના નિયમ વિચારવા જેવા છે
દીકરી સાસરે જાય એટલે પૂછે કે
વવું સુ લાવી સે સોનુ કેટલું લાવી છે
કબાટ સેડી વાસણ સુ સુ લાવી છે

કોઈ પણ આજ દિવસ એ ના વિચાર્યું
કે દીકરી સુ મૂકી ને આવી છે
એના બાપ નું ફળ્યું મૂકી ને આવી છે
એની માં ની લાગણી બહેન નો વહાલ
ભાઈ સાથે ની ધિંગા મસ્તી મૂકી આવી છે
એટલું જ નહિ
પોતાની સરનેમ પણ મૂકી ને આવી છે
જે તમારી માટે બધુજ મૂકી ને આવી
એની પાસે તમે હજી દહેજ માંગો છો

ધિકાર છે આવા રિવાજ ને

-

એક નજર રીતરિવાજ પર..કંકુ ..થાપા

લગ્ન સમયે શરૂઆતથી અંત સુધી અનેક નાની મોટી વિધીઓ કરવામાં આવે છે. આ દરેકરીતરિવાજ પાછળ ઘણા બધા કારણો અને લાગણીઓ સંકળાયેલા હોય છે.
એમાં એક રિવાજ છે દીકરીની વિદય હોય છે. દીકરી જ્યારે વિદાય થાય છે ને ત્યારે ઘણું બધુ મૂકીને જાય છે. નિર્દોષ બાળપણ ભૂલીને અનેક જવાબદારીઓ ઓઢવા જતી એ દીકરી પિયરની માયા મમતા ને મૂડી છોડીને સાસરે નીકળે છે ....ત્યારે જતાં જતાં એના હાથ કંકૂમાં બોળીને ઘરની ભીંતે થાપા મૂકે છે.
આ થાપા એક મૂકવા દસ્તાવેજ છે. આ કંકૂવરણા થાપા વડે દીકરી પોતાના ભાઈને સંદેશો આપે છે કે ...ભાઈ બાપદાદાની આ મિલકતમાંથી મારો હક હવે જતો કરું છું અને એના આ દસ્તાવેજ પર એક અંગૂઠો જ નહિ પણ આખો પંજો મારી આશીર્વાત આપું છું....
ઉપરાંત દીકરીના આ પંજા એના સંભારણાં બની જાય છે...
સંદર્ભ વડીલો અને જૂના પુસ્તકોમાં મળે છે...

-

દીકરીના લગ્ન પછી વિદાયની વેળાએ મા બાપ સ્નેહીજનો બધા રડે છે....પણ એક બાપ છે જેની રડતી આંખમાં પણ દીકરીની ચિંતા હોય છે. દીકરીની આવનારી એક એક ક્ષણ સુખી અને સલામત હોય એનું આયોજન બાપ જ વિચારી શકે છે.
દીકરીની વિદાય સમય ગાડીના પૈડા નીચે નાળિયેર મૂકવામાં આવે છે. પૈડા નીચે નાળિયેર વધેરવાના આ રિવાજને પૈડુ (પઈ) સીંચવાનું કહેવાય છે. નાળિયેરનો ટુકડા વિદાય થતી દીકરીને આપવામાં આવે છે...જેનો મતલબ છે કે રસ્તામાં દીકરીને તરસ લાગે તો કોઈની મોહતાજ ના રહે. નવા સાસરીના સગામાં પાણી પીવાનું માંગી ના શકે તો ય ભૂખી ના રહે એ નાળિયેરનો ટુકડો ખાઈ શકે.
દરેક રિવાજનો કોઈક સારો હેતું તો હોય જ છે...બસ એમાં ડોળ આડંબર કે ભપકા ના કરવા જોઈએ.

-

દિકરી...

જેના ઘરે દિકરી ની પાયલનો ઝણકાર હોય
અેના ઘરે તો રોજ નવરાત્રી હોય.

-

દીકરો હોવું સરળ જ તો દેખાય છે
ન કોઈ રોક ન તો કોઈ તોક
જન્મતાં જ પુરતો સૌના કોડ
બઘી ખુશી નો એકલોતો ઓટ
ગાંડો ઘેલો તોય તે એ જ વંશ નો છોડ
ન મર્યાદા નું માપ ન તો પાબંદી ની પટ્ટી
ખુલ્લાં આકાશ નું એ જ આઝાદ પંખી
જાણે તો છે સૌ કોઇ એ સત્ય ને
નરને નારી એક સમાનતા ના છે અધિકારી
છતાંય દીકરો જ પરિવાર નો આધાર
હોય તો છે ભરણપોષણ ની જવાબદારી દીકરા ની
પણ ભાર ઉંચકે છે ક્યારેય દીકરી ન બનાવાતી વહુ
કુળ નો તારણહાર તો છે દીકરો
પણ સાહેબ બે કુળ ને તારે એ માત્ર દીકરી જ હોય
છતાંય દીકરો કુળ નો દીપક ની દીકરી કુળ નો ભાર
એટલે જ કહે છે સૌ
દીકરો હોવું સરળ જ તો દેખાય છે...

શ્યામા

-

પિતા ના વ્હાલ નો દરિયો,
આજે સુકાતો જાય છે.
મોજા નો ખળ ખળ અવાજ,
આજે રુંધાતો જાય છે.

માતા નો પડછાયો,
આજે ધુંધળો થતો જાય છે.
પડછાયા ને જાણે ચોમાસા ની,
આજે નજર લાગી છે.

ભાઈ નું માટી નું રમકડું,
આજે હાથથી છુટી જાય છે.
એ રમકડા ને પણ ભાઈનો,
આજે એ હાથ સાંભરે છે.

ઘરનું હસતું રમતું આંગણું,
આજે ઉદાસ થઈ બેઠું છે.
આંગણાનું ધબકતું હ્રદય ,
આજે તેનાથી વિખૂટું પડી જાય છે.

-

तुम्हारा आना ज़िंदगी की उन रंगीन तस्वीरों जैसा है
जो कभी धुंधली नहीं हो सकती
वो तस्वीरें जिन्हें देख कर मन में अनंत स्मृतियां उमड़ जाएं....
कभी खुशी से चहरे पर मुस्कान तो कभी पलकें भीग जाएं..
तुम हमेशा मेरी उस पसंदीदा तस्वीर की तरह रहोगे जो हमेशा मेरे हृदय के सबसे करीब रहेगी...

-

દીકરી એટલે ...

" બાપ નો શ્વાસ છે દીકરી,
દીકરી વિશ્વાશ છે બાપ "

એટલે તો કહેવાય છે...
" દરેક દીકરીના નસીબમાં બાપ હોય છે.
પણ દરેક બાપના નસીબમાં દીકરી નથી હોતી " 🙏

-