పాలకులు కాదు
పరిపాలన మారాలి
నాయకులు కాదు
ప్రజలు మారాలి
ప్రభుత్వలు కాదు
ప్రభుత్వ విధానాలు మారాలి

-

నా దేశంలో
రైతే రాజు!
పేరుకు మాత్రమే
పదవికి కాదు!!

-

పట్టుబట్టి నిన్ను చుట్టుముట్టి
ఓటు కొరకు నీది ఒళ్ళు పట్టి
నక్కినారు గద్దెనెక్కినోరు
చిక్కకుండ నిన్ను తొక్కినారు

-

"రాజకీయం"
నాడు రక్షణ గోడ
ప్రజాస్వామ్యానికి
నేడు పట్టిన పీడ.

-

అభివృద్ధికి చోటు లేదు
ఆమాటే అసలు రాదు
నేటి భారతాన చూడు
రాజకీయ రూటు నేడు

ఎటుచూసినా కులమతాల కుమ్ములాట
కుళ్ళిపోతుంది ఓట్లవేటకు ప్రజాతోట

-

ఓట్లు
వాళ్ళకు
పాట్లు
మనకా?

-

ఏలే వారికి
ఎంతో ప్రేమట!
ఎన్నికైతే గాని
వాక్సిన్ "ఫ్రీ" కాదట!?

-

మర్రి చెట్టు కింద
మాగొప్ప పెంపకం
మొక్కలే ఎదగలేవు
రైతెలా ఎదుగుతాడో!

-

పాలల్లో విషపు చుక్క,
ప్రజాస్వామ్యంలో
మత రాజకీయపు ముక్క..
పైకి కనిపించకపోయినా
ప్రభావం తప్పకుండా పడుతుంది

-

రాజ్యమేలు రాజు చేతిలో రత్నాల హారమట
రాజు మెచ్చి నచ్చిన వారికి రత్నాల మాలయట
రాజు అడుగులకు మడుగులొత్తు వారికి రాజభోగమట
రాజు పాలనపై వేలెత్తి చూపు వారికి చెరసాల భోజనమట.🤘

-