മരിച്ചതിന്റെ മൂന്നാം പക്കം
നീയെത്തുമെന്നറിയാം..
പറഞ്ഞതൊക്കെയും
ഉള്ളാവുമ്പോൾ
മരിക്കുമെന്ന് ഞാൻ പറഞ്ഞതും
പൊള്ളെന്ന് നീ നിനച്ചതെന്തേ..!!?

-

എപ്പോഴും
കൂടെ ഉണ്ടാവും
എന്നൊരു വാക്ക്
എനിക്കായ്
തരാതിരിക്കുക..
ആ വാക്കുകൾ
എന്നെയൊരു
കൊച്ചുകുട്ടി
ആക്കിയേക്കും..
ഇത്തിരി വാശിയും
ഒത്തിരി കുസൃതികളും
നിറഞ്ഞൊരുവൾ..

അത് കിട്ടാതെ വരുമ്പോ
ആദ്യം കരഞ്ഞേക്കും..
പിന്നേപ്പിന്നെ
ഒരു മരവിപ്പാ..
ഇപ്പോഴത്തെപ്പോലെ..
എല്ലാത്തിനോടും
ഒരു മരവിപ്പ് മാത്രം...

ഒടുവിലൊരുനാൾ
ആ കുട്ടിയും മരിക്കും....
കൊല്ലുന്നൊരു ചിരിയിൽ
അവളും വാടും..!

-

കനലൊളിപ്പിച്ച
കടലുകൾ...!!

-

നീയില്ലാ
ക്കയങ്ങളിൽ
ചത്ത
പരൽമീനുകൾ..!!

-

നിന്റെ
ഓർമകളിൽ
മരിച്ചറിയാതെ
ഇന്നുമെന്റെ
വരികൾക്കിടയിൽ
വീണ്ടും വീണ്ടും
നിന്നെ
തേടുന്നൊരു
ഞാൻ..!!

കെ വി ആർ
🖤🦋

-

പൂക്കൾ.....!
കടലാസ്സുപൂക്കൾ....!!
എന്നെ
കബളിപ്പിക്കാനായി
നീയെനിക്ക്
സമ്മാനിക്കുമായിരുന്ന
അതേ
നിറത്തിലുള്ളവ...!!
മണമില്ലാതിരുന്നവയ്ക്ക്
ഇന്ന് നിന്റെ ഗന്ധം...!!
വീണ്ടും
നീയില്ലാക്കയങ്ങൾ
എന്നെ
ഭയപ്പെടുത്തുന്നു..!
ഞാൻ
ഒറ്റയാവുന്നു......!

🦋
കെ വി ആർ

-

നിനക്കൊപ്പം
കടലു കണ്ടിരുന്ന
രാവോർമ്മ..!

അതിന് മുൻപോ
ശേഷമോ
കടലത്രയും
മനോഹരിയായി
തോന്നാത്തതെന്തു-
കൊണ്ടാവും..!!


02/01

-

എനിക്കുമെന്റെ ഹൃദയത്തിനും
മാത്രമറിയാവുന്ന
ഒരാവകാശിയുണ്ടെന്റെ
ഓരോ വരികൾക്കും.....

-

....

-

കവിതകൾ
ആത്മഹത്യാക്കുറിപ്പുകളാണ്..
കനവുകൾ കടലിൽ ചാടും മുൻപ്
കടലോരത്തു കുറിച്ചിടുന്ന
ഓർമക്കുറിപ്പുകൾ..... !!

~kvr

-