Meri aankho se behta ishq
Usey kyu nazar nahi aata
Wo mera hai hi nahi jab
kyu mere zehen se utar nahi jata
Yun har roz aey dil tadapna kesa
Isse behtar hai ke tu kyu mar nhi jata

-

Ab dil pe mere
Mera ikhtiyaar nhi hai
Kese main kehdu
Pyaar nahi hai
Ab tumse nahi hai
Milne ki ummid
Par kese main kehdu
Intezaar nahi hai

-

Dheere dheere zindagi
Yuhi hai sulag rahi
Dheere dheere mai bhi
Raakh ho raha

-

Mere siwa kisi aur ko dekhe jo
aag un aankho ko lgaa di jaye
Bichhad ke mujhse jo kisi aur ka ho
Hastee us bewafa ki mitadi jaaye

-

Pehle tumse hoti thi
Be-waqt be-wajh ki baatein
Ab mushkil se hoti hai
Kisi wajah se baatein
Masroofiyaat hain ya
Majbooriya hain
Pehle nazdikiya bahut thi
Ab bahut dooriya hain
Badal gaya hai waqt ya
Tum badal gaye
Hum peeche reh gaye ya
Tum aage nikal gaye
Ek daur tha ke apni
Mohabbat shadeed thi
Tujhe galey laga kar
Meri Mukammal eid thi
Ab toh sheer bhi thandi
ho jati hai Intezaar mein
Ab tum nahi ho shayad
Mere ikhtiyaar mein

-

Bechain si hai zindagi
Jaane ise kya chhaye
Zehen-o-dil mein ikhtilaaf hai
Kisi ko kya btaye

Nazar jise hai dhoodhti
Chehra kahi wo hai nahi
Smjhega na koi dard ko
Tanha hai aap muskuraye

Aadhi toh hai guzar chuki
Baaki bhi guzar jaayegi
Bhula chuke hai sab tumhe
Khud ko aap bhi bhul jaaye

-

Meri ishq ki ABCD
Meri dosti ka क ख ग ho tum
Meri Zindagi ka 1 2 3
Meri Khushi ka Alpha α Beta β ho tum
Meri hasee ki supply chain
Meri blood ka O2 ho tum
Meri aankho mein likhi ghazal
Mere labo pe Doha ho tum

-

Mai mitti ka kuladh hu
Tu adrak waali chai hai
Tere saath Zindagi esi Jese
biscuit toot ghul jaye hai
Har chuski chai ki anand de
Khushbu khulad ki aaye hai

Mai Nokia ka phone hu priye
Tu 5g wifi hai
Tere saath Zindagi esi jese
Bina network call miljaaye hai
Teri dailer tone sunu jo priye
Dil ki dhadkan badh jaaye hai

Tu Agra ka petha hai
Mai Banaras ka paan hu
Tere saath Zindagi esi jese
Main neev tu makaan hai

-

Rakha hai humne roshan ab tak chirag ko
Tum aao agar jo lotkar thokar na lage

-

Na galat mai hu
Na galat tum bhi ho
Galat kuch raha toh
Halaat rahe hain
Na mera iqraar galat hai
Na tumhara inkaar hai galat
Galat kuch raha toh
Wajuhaat rahe hain
Na galat nigaah milna tha mera
Na galat tera muskurana tha
Galat kuch raha toh
Khayalaat rahe hain
Na mera sunna galat tha
Na tune kaha kuch galat
Galat kuch raha toh
Jazbaat rahe hain

-