துன்பங்கள் எல்லாம் தேய்பிறையாகின
இன்பங்கள் எல்லாம் வளர்பிறையாகின
வாழ்வே வானவில்லாய் வண்ணமயமானது
முழுமதியாய் அவன் வந்த பிறகு !

-

பழகியவர்கள் எல்லாம் பாம்பாக மாற;
திரும்பி பார்த்தால் திருப்பங்கள் மட்டுமே !
தித்தித்த உறவுகளும் தீண்டாமை கற்றுத்தர;
பாவம் அவளுக்கு எஞ்சுவது கண்ணீர் மட்டுமே!
விடையின்றி வினாக்களை சுமக்கிறாள்
பணிச்சுமையோடு மனச்சுமைகளையும் சேர்த்து !!!

-

மாற்றங்கள்
கடினம்தான்.....
ஏமாற்றங்களை
சந்திக்கும்வரை !!!!!

-

மழைக்கும் கண்ணீருக்குமான
இணக்கம்!!
அவளுக்கும் அவனுக்குமான
காதல்!!!

-

அன்பாளனாய் நீ - உன்
அன்பிற்கினியாளாய் நான்
இருவேறு துருவங்களில் உதித்த நாம்
இளங்கலை துவக்கத்தில் சந்தித்தோம்
கடின உழைப்பினால் உயர்ந்தாய் நீ வாழ்வில்
கட்டுக்கோப்பினால் நுழைந்தாய் என் மனதில்
வீடொன்று கட்டினாய் எவர் துணையின்றி நீயும்
இன்று அதில் வீற்றிருக்கிறேன் உன் துணைவியாய் நானும்
ஈரைந்து ஆண்டுகள் கடந்துவிட்டோம் நாமும்
கடந்த ஓராண்டில் அரங்கேறியது அந்த மாயம்
சொப்பனத்திலும் நினைக்கவில்லை
நண்பன் நீ
என் நாயகன் ஆவாய் என்று !
சோகத்திலும் உடன் இருப்பேன்
சொர்க்கத்திலும் துணை நிற்பேன்
உன் நாயகியாய் !

என்னவனுக்கு உன்னவளாகிய என்னின்
இனிய பிறந்தநாள் வாழ்த்துக்கள் ...

-

மழைக்கும் கண்ணீருக்குமான
இணக்கம்
அவனுக்கும் அவளுக்குமான
காதல் !!!

-

வாய்த்த உறவுகள் எல்லாம்
கானல் நீராக இருக்க ....
வரமாய் வந்த அவன் மட்டுமே
இருக்கிறான்
அவளின் உயிராக !

-

சந்திரனும் சூரியனும்
சந்தித்துக்கொண்டன ....
அவனும் அவளுமாய் !!!

-

சரி தவறென தெரியாது...
சில உணர்வுகள்
உதிர்ந்த பின்
உயிர்க்கிறது
கண்ணீராய் !

-

கோபத்தின் மேல்
கோபம்
கொள்கிறாள்
அவள்!!!
அவனவளாக ஆன பிறகு ✨️

-