தெரிந்திருந்தாலும்
மறுபடியும் மறுபடியும்
நடை பழகுகிறோம்!

கனத்த நினைவுகளின்
எடை குறைக்க

-

நானோ
தனிமையோடு புலம்புகிறேன்!

தனிமையோ,
என்னோடு
புழங்கிக் கொண்டிருக்கிறது!

ஆம்....
தனியாக இருக்க முடிவதில்லை தனிமையால்!

-

பூக்களை பறித்த பிறகு
வண்டுகள் வாழ்வதெப்படி
என்று பாடம் படிக்கிறார்கள்!

உறக்கத்து கனவுகளை
உறங்காமல் எழுதியபடி!

-

செவிகளுக்கு
மௌனம் சாத்தியப்படட்டும்!

நீ பேசிய வார்த்தைகளை
வீசி வைக்க
எனக்கு கடிதம் கொடு!

-

விசித்திர வினோதம்

வெறுமையிலும் விருந்து

-வார்த்தைகளற்ற உரையாடல்!

-

என்

நான் நடக்கும் தூரம் வரை
என்னுடனேயே வந்து
கொண்டிருக்கும்
உன் நினைவுகளுக்கு
கால் வலிக்குமென்று
நிறுத்துகிறேன்,
என் நடையை!

-

இறகு போன்ற இதயம்
ஒன்றைச் சொல்ல

இரும்பு போன்ற மூளை
வேறொன்றை செய்யச் சொல்ல.....
செல்லரித்து கிடக்கிறேன்

சொல்லுக்கும் செயலுக்கும் நடுவில்

-

எதுவும் கிடைக்கலாம்!

விதி என்பது
எழுதப்பட்டது அல்ல
எழுதப்பட்டுக் கொண்டிருப்பது.

பேனா அவன் கையில் இருக்கிறது அவனின்
கையைப் பிடித்திருப்பது
நம் எண்ணங்களே!

-

இறக்கி வைக்க முடியா

இரைச்சலாய்

இறுகிய நினைவுகள்!

-

வந்து குதிக்கும்
நம் ஆசைகளை எல்லாம் கூண்டுக்குள் வைத்திருக்கிறோம்!

நம் ஆசைகளுக்கு
வெளியே வர சிறகுகள் இல்லை!

கூண்டுக்குள் செல்ல
நம்மிடம் சாவி இல்லை!

-