be ready
at your boarding,

your train will come to you!

-

தோல்விகளை
தோள்பையுள் தொலைத்திடு!

வெற்றிகளை
வேர்வையில் துளிர்விடு!

பயணிப்பதே பணி,
பிணிகளை களைந்து பயணி!

-

அதர மச்சத்தில்
அகிலம் அசைவில்லை!

-

ஆயிரம் தடைகளை கடந்திடு
ஆயினும் விடைகளை களைந்தெடு

வாழ்க்கை ஒரு சீட்டுக்கட்டு
கணந்தோறும் உன்னை மாற்றும்
கனமாக்கி நெஞ்சைக் கீறும்

கேள்விகளை எல்லாம் விடைகளாக்கு
வேள்விகளை உந்தன் உடைகளாக்கு

வா!
புயற்காற்றில் ஒரு
குருவிக்கூட்டைக் கட்டித்தான்
பார்ப்போம்!

-

இவ்வளவு புழுக்கத்திலும்
உன் குரலெழுதும் வசனங்கள்,
மழைக்காலத்தையே
எனக்குத் தருகின்றன!

-

தேனீரும் சில பிஸ்கட்டுகளும்
உன் கையில்
உண்கையில்
நான் நீயாவேன்!
நீ தேனாவாய்!


#International tea day

-

எனக்கு கவிதை எழுத
மட்டுமே தெரிந்திருக்கிறது!
உன்போல கவிதையாவதற்கு
நான் என்ன செய்ய வேண்டும்?

-

சிலம்புகொள் ஏந்திழையுன்
புலம்பெயர் தஞ்சமாம் யென்நெஞ்சில்
நிலமேந்தி நின்னுடலைத் தாங்கி
யானுறங்கும் கணம் யௌவனம்!

-

கண்கள் வேண்டுமா
கைகள் வேண்டுமா
என்கிறாய்?

காதலிக்க கண்களும்,
காலம் முழுதும் கரங்களும்,
வேண்டும்!

-

கண்ணீரையும்
புன்னகையையும்
ஒருசேர சுமந்து கொண்டு
நகர ஆரம்பிக்கிறது!

வழியனுப்பிய
இரயில் வண்டி!

குயிலைப்போல் கூவுவது
"கூடு செல்கிறேன்
விடியலில் சந்திக்கிறேன்"
என்பதற்கா?

-