Zindagi main kabhi aisa maqaam aaya hai ki jahaan aapko
jannat ki talab aur khwaahish toh ho lekin itne halkaan aur duniyase bezaar hogaye hain ki maut ki aarzu bhi duniyawi azaab se nijaat ke liye nahi balki dozakh main ek goshe tanhaai ki umeed main ho??

-

Ab kisi saza ke na rehna muntazir woh shuru ho chuki kabhi ki
Ki tum ab bhi gaafil ho malazim se apne daleel hai ussi ki

-

Sau baar bhi agar qatl jo karun main tera
Sad-lakht yeh jigar tab bhi juDega na mera

-

Kisi se wabastagi kisi umeed ki nahi
Main bhala kisi se kya shikayat karun

-

Paid Content

-

"Rudaad-e-gham-e-ulfat un se ham kya kahte kyunkar kahte
Ik harf na nikla honTon se aur aankh men aansu aa bhi gaye"

-

"Har Dadakte patthar ko log dil samajhte hain
Umren biit jaati hain dil ko dil banane main"

-

mujh se ab log kam hi milte hain
yun bhi main haT gaya hun manzar se

-

Tere Daaman main sitaare hain toh honge ai falak
Mujh ko apni Maan ki Maili Odni Acchi lagi

-

Dil mein rakhne ki baat hai gham e ishq
Isko hargiz na barmala kahiye

-