ಕಳೆದುಕೊಂಡ ನೆನಪುಗಳಿಗೆ ದುಃಖಿಸಲೆ,
ಕಳೆದುಹೋದ ಮರೆವಿಗೆ ಖುಷಿಪಡಲೆ.
ಅಂತರಗದಲಿ ಮೂಡಿತ್ತು ಆಂತರಿಕ ಸವಾಲು, ಉತ್ತರ ಹುಡುಕುವುದರಲ್ಲೆ ಮುಗಿದಿತ್ತು ಜೀವನದ ಬಹುಪಾಲು!

-

ಬೆತ್ತಲಾಗಿ ಜಗಕೆ ಆಗಮನ, ಕತ್ತಲ ಭುವಿಯೊಳಗೆ ನಿರ್ಗಮನ. ಇವುಗಳ ನಡುವೆ ಎಂದೂ ನಮ್ಮದಾಗದ ಆಸೆಗಳತ್ತ ತುಡಿಯುವುದೇ ಜೀವನ!

-

ಸಕಲಕೆಲ್ಲ ಪ್ರಥಮನೆ
ಜಗಕೆ ತೋರು ನಿನ್ನ ಕರುಣೆ
ವಿದ್ಯೆ ಬುದ್ಧಿ ಕರುಣಿಸು
ವಿಘ್ನಗಳನು ಕರಗಿಸು
ಹರಸು ಎಮಗೆ ದೇವ
ತೊಡೆದು ಜನರ ನೋವ
ಏಕದಂತ ನಿನಗೆ ನಮನ
ಭಕ್ತ ಜನರ ಕೋಟಿ ಪ್ರಣಾಮ

-

ನಿನ್ನೆಯ ಮೌನದಲಿ, ನಾಳೆಯ ಧ್ಯಾನದಲಿ
ಕಳೆದುಹೋಗುತಿತ್ತು ಇಂದಿನ ಬಾಳು!

-

#ಸಂಸಾರ #
ಹೆಂಗೊ ಇದ್ದೆ, ಎಂಬಲ್ಲಿಂದ ಹೆಂಗೆಂಗೊ ಆಗುವ ಪ್ರಕ್ರಿಯೆ!

-

ಹುಣಸೆ ಹಣ್ಣಿನ ಹಾಗೆ ಕೆಲ ಸಂಬಂಧಗಳು.
ಸ್ವಲ್ಪ ಹುಳಿ, ಸ್ವಲ್ಪ ಸಿಹಿ!

-

ಸಿಕ್ಕಿದ್ದನ್ನು ಮರೆಯಬೇಡ, ಸಿಗದಿದ್ದಕ್ಕೆ ಚಿಂತಿಸಬೇಡ, ಸಿಗುವುದೆಂದು ಅತಿ ಆಸೆ ಬೇಡ,
ಸಿಗುತ್ತಿರುವುದನ್ನು ಕಳಕೊಳ್ಳಬೇಡ!

-

ಹೆತ್ತ ಕರುಳಿನ ನಗುವ ನೋಡುತ್ತ ತನ್ನೊಳಗಿನ ನೋವು ಮರೆಯುವವಳು ಅವಳು!
#ಅಮ್ಮ #

-

ಅನುಬಂಧದ ಕಲ್ಲುಗಳು ಜಾರಿದ್ದು ಅರಿವಾಗುವ ಹೊತ್ತಿಗೆ,
ಹಣ ಗಳಿಕೆಯ ಸಾಕಷ್ಟು ಮೆಟ್ಟಿಲುಗಳನ್ನು ಏರಿ ಆಗಿತ್ತು!

-

ಕಳೆದು ಹೋದ ನಿದ್ದೆಯೇ ಹೇಳುತ್ತದೆ,
ಕಳೆದುಕೊಂಡ ಕನಸಿನ ಕಥೆ!

-