ప్రపంచమంతా నీ సామర్థ్యాన్ని సందేహించినా
నీపై నమ్మకం ఉంచాల్సింది నువ్వొక్కడివే..!!

-

ఆదిపరాశక్తిగా అనంత లోకాలను పాలించినా ఆమెనే
అర్థనారీశ్వరిగా పతిలో సగమై అనురాగం కురిపించినా ఆమెనే...!!

-

పుట్టాక దానికై పరితపించే జీవితం
చచ్చాక వెంటరాని ఓ చిత్తు కాగితం..!!

-

అమరావతి...!!
ఆకాశంలో ఇంద్రుని రాజధాని
అవనిపై ఆంధ్రుల రాజధాని
నిజమయ్యేనా మన నాయకులు చెప్తున్న కలల కహానీ...!!

-

ఆకాశమంత ప్రేమ మనసులో ఉన్నా
అందరిలో చూపించడానికి వెనుకబడిన నాన్న

-

ఎవరి రాక ఎవరి పోక ఎవరికెరుక
ప్రాణం విధిరాత ఎదురీతల నీటి బుడగ

-

ఏమవుతుందో ఏమో అని భయమెందుకు దండగ
ఏదేమైనా మన మంచికే అనుకునే ఫార్ములా ఉండగా..!!

-

పదిహేడు సార్లు గజినీ దండయాత్రలు
ప్రపంచాన్ని ఏలిన రారాజుకి సొంతగడ్డ మీదే విమర్శలు
సరికొత్త నాయకత్వంపై సందేహాలు
అందలమెక్కినా.... అట్టడుగున ఉన్నా  ఆదరించే అభిమానులు
ఆఖరి మెట్టుపై అనేకసార్లు నిట్టూర్పులు
అదృష్టం దోబూచులాడినా...! కాలం కనికరించకపోయినా..!!
సాధించిన ఈ విజయం అపూర్వం..... చరిత్రలో చెరగని సంతకం....!!!

-

పదేళ్ళుగా పళ్ళ బిగువున దాచిన పరాభవాలు ప్రళయమై ప్రత్యర్థిని పాతాళానికి తొక్కితే గాని తెలియలేదేమో...!
బహుశా వాడు మానవుడు కాదు...వామనుడని...!!

-

సాటి మనిషికి సాయం చేయడానికి దేవుడు అక్కర్లేదు... మానవుడు చాలు..!!

-