Sannata acha lagta hai ab,
Mehfilon ke shor pheeke lagte hai sab..
Sannata bekhauf chillata hai mujhme ab,
Asal mein chillane ka shauk hi nahi raha ab..
Sannaton se bhaaga karti thi tab ,
Shor mein behisaab jhuma karti thi jab..
Sabab chahe jo raha ho apna,
Meri khamoshi mein ik shor rehta hai ab aor,
Mere shor mein ik gehri khamoshi rehti hai be-matlab ab...
Shor bhari mehfilon ki raunakein ,
Sannaton ki veeraniyon ne leli hai ab..
Shor ki bechaini sannaton ke sukoon ne leli hai ab...
-