ಎಲ್ಲರನ್ನೂ ಕಾಡೋ ಮುತ್ತಿಗೂ
ನಿನ್ನ ಮುತ್ತಿನ ಬಯಕೆ...

-

ಪದಗಳಿಗೂ ಬರಗಾಲ
ನಿನ್ನ ವರ್ಣಿಸಲು..
ನಿನ್ನ ಕಣ್ಣೋಟವೊಂದೇ ಸಾಕು
ನನ್ನ ಸೋಲಿಸಲು.!

-

ಸಕ್ಕರೆಗೂ ಜೇನಿಗೂ
ಜಗಳವಂತೆ
ತಾನು ಹೆಚ್ಚು ಸಿಹಿಯೆಂದು
ಬಹುಶಃ
ತಾಕಿರಲಾರರು ಇಬ್ಬರೂ
ನನ್ನವಳ ತುಟಿಯನ್ನು...

-

ಅವಳ ಸೆರಗು..!

-

ನೀ ಬಿಟ್ಟು ಹೋದ
ನೆನಪುಗಳೇಲ್ಲವೂ
ಇಂದೆನಗೆ ಅಪರಿಮಿತ ನಶೆ

ಅದೆಷ್ಟೇ ಕುಡಿದರೂ
ಆ ಮತ್ತ ಕೊಡದು
ತುಂಬಿದ ಸಾರಾಯಿ ಶೀಶೆ..

-

ಬೆಡಗಿಗೆ‌ ಒಲಿದು
ಚಂದಿರನ ಕೊರೆದು
ಮಾಡಿಹೆನು ತೂಗುಯ್ಯಾಲೆ

ಪ್ರೀತಿಯನು ಹಿಡಿದು
ಹೃದಯವನು ತೆರೆದು
ಕುಳಿತುನೋಡೊಮ್ಮೆ ಅದರ ಮ್ಯಾಲೆ

-

ಈ ಚಳಿಗೆ..
ಕಿಚ್ಚಿಗೂ ಕೂಡ ಚಳಿ ಹೆಚ್ಚು

ಅವಳ್ ಹತ್ತಿರವಾದಂತೆ
ಉರಿಯುವುದು ಹೆಚ್ಚೆಚ್ಚು!

-

ಬಿಸಿಯ ನಶೆಯೇರಿಸೊ ಚಹಕಿಂದು
ಹಿತ್ತಾಳೆಯ ಹೊದಿಕೆ

ಆದರೂ... ಅದಕೆ

ನಿತ್ಯವೂ ತನ್ನ ಹಿಡಿವ ಅವನ ಕೈ
ಅತ್ತ ಸರಿದರೆಂಬ ಹೆದರಿಕೆ!

-

ಮನ ಸೋತಿದೆ
ನೋಡಿ ನಿನ್ನಯ ಲಜ್ಜೆ

ಅದರ ಗುರುತಲ್ಲವೇ?
ನಾ ಕಟ್ಟಿದ ಕಾಲ್ಗೆಜ್ಜೆ

-

ನಿನ್ನ‌ ನೆನಪುಗಳ ಹನಿಯೊಂದ
ಹೊರ ಹಾಕುತಲಿರುವಾಗ
ಮತ್ತೆ ಇಂಗಿ ಹೋಯಿತು
ಕೆನ್ನೆಗಳ ಮರುಭೂಮಿಯಲಿ

-