सोबतीच्या वाटचालीस जिवलगा संगतीला हवी…

-

कयामत केव्हाच बेशुमार मज लुटून गेली
हयात जगण्याची बहाल-ए-दिल बरसून गेली

तुजवर काफिया जहाल-ए-बेगम मी अदा करू
तसव्वूर फैज माझा हृदय सखा जाळून गेली

ईबादत तुजवर तुझ्याशी सवांद रोजच व्हावा
शमे-ए-रात सानिया नजरेत चंद्र बंद करून गेली

ताल बैरागी तमन्ना तहान तृष्णेचा गुलाम गुलमोहर
सोहबत-ए-सितम हृदयास मझिया ती चिरून गेली…

-

अर्धवट सोडून जाणारी ही लोक
कधीही पूर्णत्वाला पोहचत नाही…

-

पेटवून घ्यावे म्हणतो स्वतःस आता
स्वप्नांना तेव्हा माझ्या तुम्ही अजरामर करावे…

-

विरहात विरहाची ही नोंद नाही
जिवलगा पुन्हा मज भेटली नाही

न वाटून घेतले दुःख त्या क्षणी तेव्हा
बोलवण्यास प्रेम माझे तेव्हा चुकले नाही…

-

वेळेनेच वेळेची ही जखम दिली
अवेळीच यातणांची ही झोळी दिली

बदलेन वेळ जरी बदलले हे लोक नाही
वेळेनेच तेव्हा मज ही हमी दिली…

-

जे झाले ते झाले आता विसरून जा
जाता जाता जिवलगा मज कवेत घेऊन जा…

-

जे भेटले ते भेटणारह नाही मला
ते भेटतील भविष्यात एकदा तरी मला…

-

मौलिक आहे मोतीयांचा हार सखा
मौलाचे मरण कुणास काही पसंद नाही

पदोपदी तुझ्या सवे चालण्याचा करार होता
सात जन्माची रेशमगाठ अजूनही तुटली नाही…

-

हे हसणे ही तुला हसणे न वाटे
प्रेम माझिया तुला प्रेम ही न वाटे

नेमका पुरावा तुला आता कोणता हवा
पुरावा ही सखा तुला खरा न वाटे

हे नुकतेच नवखे मजला छळणे तुझे
तुझेच तुला का सखा तेव्हा नवल वाटे

येण्यास जवळ तुझी का आता तक्रार आहे
तैशीच तक्रार तुझी देण्यास मज बहाणा वाटे…

-