Ek shahar(city) hai, Ek bahut ghanaa shahar,
Maze ki baat to ye hai ki, Itna ghanaa hokar bhi itna shaant shahar,
Bahut saari galiya hai isme,
Kuch raste chhote to kuch kaafi lambe,
Makaan bahut se bane hai isme,
Kuch rangeen pute hai, Aur kuch rangheen hai,
Yahaan kuch sunna chahte ho, To hawa ki sarsarahat suno,
Ya hawa bahut kuch kahti hai, Jaise Ye hawa nhi kisi ki aankhe ho,
Aur is hawa me hi is shahar ke saare raaz hai,
Yun to kisi se shikayat nhi is shahar ko,
Par is jahaan ke saare dard ki khabar rakhta hai shahar ye.
Jb gour karenge aap to Apne hi kisi hisse me khilkhilata bhi nazar aata hai shahar ye,
Aur utna hi mayush bhi nazar aata hai shahar ye,
Hai to ek bhool bhulaiya sa,
lekin bada pyara sa hai shahar ye,
Humari soch me jo gumshuda hai,
Lekin saari duniya ki khabar rakhta hai shahar ye....
Ek shahar tum sa...
-