ನೋವಿನ ಎದುರಲ್ಲಿ ಸಾಂತ್ವನ ಚಿಕ್ಕ ನಡೆ
ಕಾಲವೇ ನೋವಿಗೆ ಮದ್ದಾಗಬೇಕಿದೆಯಷ್ಟೇ..

-

ಮಾತನ್ನು ಸಿದ್ಧಿಸಿಕೊಂಡಷ್ಟು ಸುಲಭವಲ್ಲ ನೋಡು
ಮೌನವನ್ನು ಸಿದ್ಧಿಸಿಕೊಳ್ಳುವುದು

-

ಸಮಜಾಯಿಷಿ ಸಾಂತ್ವನವಾಗಬಹುದೇನೋ
ಪರಿಹಾರವಂತೂ ಆಗದು ನೋಡು

-

ನಿನ್ನಿಚ್ಛೆಯಂತೆ ನೀನು ರಾಮನಾಗು
ಅಥವಾ ಕೃಷ್ಣನೇ ಆಗಿರು
ಆದರೆ, ನಾನು ನಾನಾಗಿಯೇ ಉಳಿಯುತ್ತೇನಷ್ಟೇ..!

-

ನೋವಿಗೆ ಮುಲಾಮು ಪ್ರೀತಿ
ಹೀಗೆಂದವರಿಗೆ ತಿಳಿದಿತ್ತೇ..??
ನೋವಿನ ಮೂಲವೂ ಪ್ರೀತಿಯೆಂಬುದು..!

-

ಸೊಲ್ಲೆತ್ತಲಿಲ್ಲವೆಂಬ ಮಾತ್ರಕ್ಕೆ
ಯಾವುದೇ ತಕರಾರಿಲ್ಲವೆಂದಲ್ಲ
ಅದರ ಕುರಿತು ದಿವ್ಯ ನಿರ್ಲಕ್ಷ್ಯವಷ್ಟೇ..

-

ಶಾಶ್ವತವೋ.. ಕ್ಷಣಿಕವೋ..
ಆ ಕ್ಷಣಕ್ಕೆ ಸಿಕ್ಕ ಆನಂದವನ್ನು
ಮನಸಾರೆ ಅನುಭವಿಸಬೇಕಷ್ಟೇ..

-

ನಮ್ಮ ಕಷ್ಟಗಳಿಗೆ
ಬೇರೆಯವರನ್ನು ಹೊಣೆಯಾಗಿಸಬಾರದು
ಹಾಗೆಯೇ.. ಬೇರೆಯವರ ಕಷ್ಟಗಳಿಗೆ
ನಾವು ಕಾರಣರಾಗಬಾರದು

-

ಬಂಧಿಸಿಟ್ಟದ್ದು ಬಂಧಗಳಲ್ಲ
ಬಂಧಿಯಾಗಿಸಿದ್ದು ಭಾವಗಳಷ್ಟೇ..

-

ಹಣಿಯಲು ಬಂದವರನ್ನೆಲ್ಲಾ
ಅಣಕಿಸಿ ನಿಂತೆ
ಬದುಕೀಗ ಎಷ್ಟು ಸರಾಗ

-