ತಿದ್ದಿ ತಿಡು
ಮುದ್ದು ಮಾಡು,
ಪ್ರೀತಿ ಹೊದ್ದು ನೋಡು
ಜೀವ ನಂಬಿಕೆಯ ಪಾಡು.

ಕರಾರು
ಕಂಡಿಷನ್
ವ್ಯಾಪಾರ,ವ್ಯವಹಾರಕ್ಕೆ,
ಬರಿ ಅರ್ಪಣೆ
ಆರಾಧನೆ
ನಂಬಿಕೆ
ಪ್ರೀತಿ
ಹಾಯಾದ ಬದುಕಿಗೆ.

-

ಹೆಸರು ಉಳಿದ ಮೇಲೆ
ಹಸಿರು ಅಳಿದ ಮೇಲೆ.

-

ದುಃಖಕ್ಕೆ ವಿರುದ್ಧ,
ಸುಖಕೆ ಸಮೃದ್ಧ.

-

ಸುಮದ ಘಮ,
ಪ್ರೇಮ ಜೀವದಾ ಸಂಭ್ರಮ

-

ನಂದೆ ಸರಿಯೆನ್ನುವ ಆಕ್ರೋಶದ ಭರಾಟೆ,
ಎದುರಾಳಿಯು ಮುಂದುವರಿದರೆ ಗಲಾಟೆ.

-

ಹೇಗಿದೆ ಅದೃಷ್ಟ
ನೀತಿ ಹಿಡಿದರೆ ಪ್ರೀತಿಯಿಲ್ಲ,
ಪ್ರೀತಿ ಪಡೆಯಲು ನೀತಿ ಬೇಕಾಗಿಲ್ಲ.

-

ಎಚ್ಚರಿಕೆಯಿಂದ ಓಡಿಸ್ಬೇಕು
ವಾಹನ
ಅಪಘಾತ ತಪ್ಪುತ್ತೆ,
ಎಚ್ಚರಿಕೆಯಿಂದ ಆಗ್ಬೇಕು
ಮದ್ವೇ,
ಯಾರ್ದೋ ಪ್ರೀತಿ ಕಸ್ಕೊಂಡು
ಕೊಲೆ ಆಗೋದು ತಪ್ಪುತ್ತೆ.

-

ಸಿಕ್ಕಿತ್ತು ಸ್ವಲ್ಪ ಕನಸಲ್ಲಿಯೇ,
ಮಿಕ್ಕಿದ್ದೂ ಕಲ್ಪನೆ ಮನಸಲ್ಲಿಯೇ.

-

ಅಕ್ರಮವೋ,ಸಕ್ರಮವೋ
ಅಪ್ಪುಗೆಯಿದು
ಆಕ್ರಮಣ
ಅತಿಶಯದ ಸೆಳೆತ,
ಎದೆಯ ಸಿಂಹಾಸನ
ಏರಿ ಬರುವ ವಾಂಛೆಗೆ
ಇದೋ ಹೃದಯಪೂರ್ವಕ ಸ್ವಾಗತ.

-

ಕಣ್ಣ ಬಿಂದುವೇ ತೋರಣ
ಜೀವ ಬಂಧು ನೀ ಪ್ರೇರಣ
ಬಣ್ಣ ಭಾವನೆ ಈ ಹೂ ಮನ
ಪ್ರೀತಿಸುವೆ ನಿನ್ನನೇ ಅನುದಿನ.

-