ते शरीरावर
तुझ नाव गोंदवून
घेण्याइतकं प्रेम
नाही करायचंय
ते मनावर
तुझ नाव गोंदवलयं
असं ही काही
नाही सांगणार
भेटल्यावर फक्त
एक डायरी ठेवेन
हातात तुझ्या
तुझ्यावरच्या कवितांची
इतकं पुरेस आहे ना?

-

सखे बघ आज
दाटूनं आलय आभाळ
माझ्या आठवणीत येण्यापासून
थोडं स्वतःला सांभाळ

-

तुला आठवतयं का ?
असं कुणी विचारल की
नाही म्हणून टाकायचं
नेमकी तीच वेळ असते
सगळ दाटून येण्याची

-

एकमेकांची काळजी वाटली तर
एकमेकांच काळीज वाटून घेऊ

अर्थात काळजी वाटली तर...

-

मनाची आपल्या हीच विकृती
तसे बोलतो जशी दिसे आकृती

-

आजही तुझ्या नावाने फुलतो
माझ्या अंगणातला पारिजात

वेदलिखित

-

जे काही आहे करायचे जाण्याआधी उरकून घे
सोबतीची चार माणसे माणसा पारखून घे

वेदलिखित

-

लिहिले तसे मी कणभर आहे
आयुष्य असे ही क्षणभर आहे

वेदलिखित

-

आपली झोप उडवून
एक चेहरा
इतक्या निरागसपणे
झोपलेला असतो
आपण फक्त
बघत राहतो
त्याच्याकडे
आपल्याला झोपू
न देण्याचे
तो पूर्ण प्रयत्न
करत असतो

वेदलिखित

-

एक जखम भळभळत राहते जराशी
म्हणून घट्ट धरून ठेवतो उराशी

- वेदलिखित

-