Suno...
Joh may kisi roz kahin kisi mod par takra jaun tumse toh tum mujhe ek ajnabi samajh nazar-andaz kar dena,
Aur ab jab jaane ka mann bana hi chuke ho toh ek aakhri gujarish hai tumse ke_
mujhme ummeed ki koi bhi gunjaish bachne mat dena,
Haan jaate waqt tum bas mujhe palat kar mat dekhna...✍️

-

Woh ab apni zindagi may aage badh raha tha _
Toh maine bhi abki baar pichhe se aawaz dekar use rokna behtar na samjha,
Q ke... Mera yeh manna hai ke...
Kabhi-kabhi Zindagi may aage badhne ke liye _ purana bahut kuch pichhe chhodna zaruri ho jata hai... ✍️

-

Chhod bhi do ab yeh be-matlab ki zidd ke koi bhi sath nahi deta umr bhar,
Aur mere itne bhi kareeb na aao Suno Tum umr bhar pachhtaogi apne is faisle par,
Haan maine hi kabhi nahi mani uski baat warna toh woh chikh kar mujhse kehta raha yeh sach...✍️

-

"Ab use zarurat nahi meri"

Ke Uske zindagi ki kahani may mera kirdar yahin tak tha - Haan ab dheere dheere samajh aa raha hai ke use aur jarurat nahi meri,
Jee ab mujhe mehsoos hone laga hai ke is rishte may mera pichhe hatt jana hi behtar hoga - ke use taklif ho rahi hai ab mojudgi se bhi meri,
Aur bajaye iske ke woh kiske sath khush hai - jee chahe joh bhi ho mere liye mehez maiyne rakhti hai uski khushi...✍️

-

Suno na...
Idhar aao - baitho kuch pal tum sath mere, haan thoda sa aur bhi baithe tum pass mere;
Ke aaj tumhari aankhon may doob jane ko jee chah raha hai,
Ghanto baith tumhare sath bas tumhe sunte jane ko jee chah raha hai,
Bina tumhe galat samjhe bas tumhe samajhne ko jee chah raha hai,
Haan aaj bas tumme ghul-mil jane ko mera yeh jee chah raha hai.✍️

-

May woh jiske hisse Ani thi ishq-pyaar-mohabbat;
magar mujhse chhina gaya mera bachpana, meri chanchalta aur meri masoomiyat;
Aur haan badle may aayi mere hisse khamoshi, tanhayi aur gumon ke ghane badal.

-

Woh joh is dil may hai,
Use khabar nahi woh mere dil may rehta hai,
Aur may khud bhi is baat se be-khabar ke...
maine use apne dil may Q rakha hai.

-

Jai shree Krishna_✍️
Kaise keh dun yeh jhuth ke maine apne sare dukh-dard akele hi sahe hain
Ke...
Jab bhi khud ko akela paya Maine Krishn ko apne sath khada paya,
Jab dost khoye toh krishn ko hi dost hai mann liya,
Jab pyaar khoya toh maine use krishn may hi hai paa liya,
Jeevan ke is safar may kathinaiyan chahe jitani bhi aayi hon magar krishn par se maine apna vishwas kabhi dagmagane na diya,
Ke jab-jab giri hun may krishn ne har baar hi aa kar mujhe hai thaam liya,
Aur Mano jaise maine ek hi Janam may dusra Jeevan ho paya - jab maine prabhu shri krishn ko hai paya,
Ke tyag is mayavi duniya ko - KRISHNA naam may hi hai maine apna saara sansar basa liya.

-

A dil ye tujhe kya hote jaa raha hai ?

Barson se tha tu shaant fhir ab Q itna bechain hote jaa raha hai,
Aur woh baatein joh tu kisi se nahi kehta tha fhir use Q bata raha hai,
Ke jahan tak mujhe yaad hai maine toh tujhe mara huaa samajh kabka dafna diya tha...
Toh fhir aakhir Kon hai woh joh tujhe fhirse dhadakna sikha raha hai.

-

Is matlabi duniya may kahan, kidhar aur bhala kiske pass jaun may,
Yeh joh itna gum chhipa hai mere muskurahat ke pichhe ise aakhir kise dikhaun may,
Ke ek bas tu apna sa lagta hai mujhe is anjan sheher may...
Haan agar tu ijazat de toh tere god may sar rakhkar rona chahun may.

-