నా గది కిటీకీ రెక్కలు కూడా జంటగానే ఉన్నాయ్..
నీకు దూరమైన నేను తప్ప...

-

కలిసి ఏ దూరమూ నడవలేదు
విడిచి ఏ తీరమూ చేరలేము
నువ్వు నా కోసం పుట్టుకొచ్చిన జీవనది
నేను నీకోసం వేచి ఉన్న నీలి కడలి

-

క్షణానికోసారి నిన్ను చంపని ప్రేమ, అదీ ఒక ప్రేమేనా!

-

ఎందుకు చేరుకోలేదు అని అడిగే
మనసుకు ఏం బదులు చెప్తావ్...?
దారిలేదనా!
దారి తెలిసీ అడుగేయలేదనా...!

-

నాకప్పుడు తెలీదు నాన్న దగ్గర డబ్బులు లేవని..

-

అంతా నీవల్లే...

-

నెత్తుటి చిత్తడికి పూసిన పూలెప్పుడూ
ఎరుపురంగులోనే ఉంటాయి.
చిద్రమైన బతుకుల పరిమళాలను
వెదజల్లుతూనే ఉంటాయి.

-

అందేనా ఆకాశం అని ఏం ఆలోచిస్తావ్!
ముందైతే ఎగిరి చూడు, పడినా మళ్ళీ లేస్తావ్.

-

అదేంటో అక్షరాలు కొన్ని
అమాంతం పక్క పక్క చేరి
లతల్లే అల్లుకుంటు పోతే
సుమించే కొత్త పదములేవో!
ఇదంటూ కచ్చితంగ చెప్పే
సరైన అర్థమేది లేదే!

సరిగ్గా నిన్ను చూసినపుడు
ఇల్లాగే తల్లకిందులైతే
ఇదంటూ దాని గోల అంటూ
ఎలాగా చెప్పగలదు మనసు?

-

చలిమంటలెందుకు?
ఒక్క నీ తలపుతో వెచ్చబడుతుందీ దేహం!
చితిమంటలెందుకు?
ఒక్క నీ తలపుతో తగలబడుతుంటే ఈ దేహం!

-