ಮರಣವೂ ಆಕೆಯ ಬಳಿ ನಿಂತು
ಒಂದು ಕ್ಷಣ ಯೋಚಿಸಿತು...
ಈಗಾಗಲೇ ಸತ್ತವಳನ್ನು ನಾ ಹೇಗೆ
ಸಾಯಿಸಬೇಕೆಂದು.....??

-

ಬೇರೆಯವರ ಸಾವನ್ನು ನೋಡಿದ ಮನಸ್ಸೊಂದು ನುಡಿಯಿತು ಬದುಕೆಷ್ಟು ಚಿಕ್ಕದು!! ಬದುಕಲ್ಲಿ ತಾನು ಪಡುವ ಬವಣೆ ನೋಡಿ ಮತ್ತೊಂದು ಮನಸ್ಸು ಮರುಗುತ್ತಿತ್ತು ಬಹಳ ದೀರ್ಘ ಬದುಕಿದೆಂದು!!

-

ಕ್ರಮಬದ್ಧವಾಗಿ ಸಿಕ್ಕಿದ ಹುಟ್ಟನ್ನು ಕ್ರಮವ್ಯತ್ಯಾಸ ಮಾಡುವುದೇ ಸಾವು!!

-

ಎತ್ತಲೋ ಹರಿಸಿದ ಶೂನ್ಯನೋಟ
ಮಾತಿನ ಪಸೆ ಆರಿ ಬತ್ತಿದ ಬಾಯಿ
ಚಲನೆ ಸ್ತಬ್ಧವಾದ ಎಡ ಶರೀರ
ಆಗೊಮ್ಮೆ ಈಗೊಮ್ಮೆ ಚಲಿಸುವ ಬಲಭಾಗ
ನಿಸ್ತೇಜವಾದ ಆ ದೇಹದಲಿ ಸಣ್ಣ ಉಸಿರು
ಓ ದೇವ ನೀನೋರ್ವ ರಾಕ್ಷಸನಾದೊಡೆ
ಆ ದೇಹ ಮಾಂಸವನೊಮ್ಮೆ ಮುಕ್ಕಿಬಿಡು
ಕರುಣಾಮಯಿಯಾದೊಡೆ ಮರುಜನ್ಮವ
ನೀಡೊಮ್ಮೆ ನಿನ್ನ ಅ0ಘ್ರಿಯಲಿ ಎನ್ನ ಶಿರ ಜೀವದಾದ್ಯಂತ ಇಟ್ಟು ಬಿಡುವೆನು ಶಂಕೆಯಿಲ್ಲದೆ
ಪವಾಡವ ನಡೆಸೊಮ್ಮೆ ವಿಜ್ಞಾನಕೇ ಎದುರಾಗಿ

-

ನೀ ನನ್ನ
ಕಣ್ಣೊಳಗೆ ಅವಿತಿರಬೇಕು
ನೆನೆದರೆ ಕಣ್ಣೀರಲ್ಲೇ
ಇಳಿಯುವ ನೀನು
ನಾ ಮಣ್ಣೊಳಗೆ
ಬೆರೆತ ಮೇಲೂ
ನಿನ್ನ ಕಂಡು
ಮತ್ತೆದ್ದು ಅಳಬೇಕು

-

ಅವನ ನೆನಪುಗಳು ಅಳಿಯದೆ
ಜೊತೆಯಲ್ಲಿವೆ ನನ್ನನಳಿಸುವ
ಸಲುವಾಗಿಯೇ ಗಾಲಿಬ್!

-

ಹೇ ಸಾವೇ ..
ನಿನಗೊಂದು ನೋವುಭರಿತ
ಸಾವ ಕರುಣಿಸುವವರಾರೋ???

-

ನೋವಿನ ಹಾದಿಯಲ್ಲಿ
ನಗುವ ಹುಡುಕುವ
ಅಲೆಮಾರಿ ನಾನು

-

ನನ್ನ ಜೀವನ ನಿನ್ನ ನೆನಪು
ನಿನ್ನ ನೆನಪು ನನ್ನ ಒಲವು

-

ಅವನ ಹೆಸರಿನ
ಅಮೂಲ್ಯ ಮುತ್ತೊಂದು
ಕಣ್ತುಂಬಾ ನೆನಪಾಗಿ
ಉಳಿದಿದೆ ಗಾಲಿಬ್

-