ഉറക്കെയുറക്കെ പറയണം

നമ്മൾ സ്വതന്ത്രരാണ്

-

നമ്മൾ സ്വതന്ത്രരാണ്

നമ്മളാൽ മറ്റുള്ളവരും സ്വതന്ത്രരാണ്

എന്നതാവട്ടെ നമ്മുടെ സ്വതന്ത്രചിന്ത 😊

-

കൂട്ടിനൊരാളുണ്ടാവുക
എന്നതാണത്രെ ഏറ്റവും വലിയ ഭാഗ്യം

അപ്പൊ നിർഭാഗ്യമെന്നാലോ...?

കൂട്ടിലാക്കപ്പെടുക എന്നുള്ളതും...!

-

മഹാപ്രളയം വന്നപ്പോൾ ആ കൈകൾക്കു എപ്പോളോ ജീവന്റെ വില തന്നെ ഉണ്ടായിരുന്നു

പിന്നീടെപ്പോളോ സുരക്ഷിതമായപ്പോൾ ആ കയ്കളിൽ മതവും ജാതിയും അതിലുപരി അയിത്തം വരെ കണ്ട മറ്റു ചിലരുമുണ്ടത്രേ

-

ശല്യമാണെങ്കിൽ പറയാൻ
ഒരു നൂറു വട്ടം പറഞ്ഞാലും

ചിലർക്കൊക്കെ

പറയാതെ പറയുന്നതിലാണ്
എന്നും താല്പര്യം

-

'നീയോ ഞാനോ'
എന്നതിലല്ല കാര്യം

അതൊരിക്കൽ
'നമ്മൾ'
എന്നതിലേക്ക് വഴിമാറില്ലേ

അതാണെടോ എന്തിന്റെയും
മനോഹരമായ അടിത്തറ

-

കൂട്ടിലകപ്പെട്ടിട്ടും
ആ അവസ്ഥയെ
മനോഹരമാക്കുന്ന ഒന്നത്രെ

'നമ്മൾ' എന്നത്

-

കയറ്റവും ഇറക്കവും
എപ്പോളും ഉള്ളതാടോ

ആത്മാവിനെ വാനലോകത്തെക്കും
ശരീരത്തിനെ മണ്ണിനടിയിലേക്കും

എത്തിക്കുന്നൊരു മരണം
വരെയുള്ളൊരു പ്രതിഭാസം.

-

ചിന്തിച്ചു മാറി മാറി കുത്തും

ചിന്തയുള്ളോണ്ട് തന്നെ
അതികം മാറി കുത്താത്തത് കൊണ്ട്

ഓരോ 5 കൊല്ലവും
എന്റെ കേരളം എത്ര സുന്ദരം

-

ഒരിക്കലും കൈ വിടില്ലെന്നല്ല

ഒരിക്കലേ കൈ വിടൂ
അന്ന് മുതൽ ഞാൻ എല്ലാർവർകുമൊരു ഓർമയായിരിക്കുമെന്ന് മാത്രം

-