Woh na ruka to?








Khuda hai na...woh 'Kun Faya Kun' hai.

-

Rehne do kuch der yahin,
Dekhun zara kitni hai use aane ki tamanna.







Jaldi soch lo ke tum chahti ho kya?
Musafir yahin hai darwaze pe khada.

-

Dil mein hi dafn karni ab saari, yeh dil ki baat hogi,
Na tumko milegi fursat kabhi, na yeh mulaqaat hogi.

-

Kuch jhadiya'n bhi hoti hain, kuch kaante bhi hote hain,
Bagho'n mein sirf phool kahan khilte hain?

Tum mehfile'n saja kar apno'n ko dhundhte ho?
Woh mehfilo'n mein nahin qabro'n pe milte hain.

-

Nigahein to hoti hain chalane ko jaadu,
Gar mumkin hai to dil thaam kar dikha tu.

-

Kisi roz, kisi shaam,
Paas baitho to kahenge tumse.

Kuch kisse, kuch kahaniyan,
Kuch dil ki baatein bhi kahenge tumse.

Kuch baatein jo likhni thi panno mein kahin,
Chalo 'Na' likh kar woh baatein bhi kahenge tumse.

Kuch raaz jo dafn the dil ke kisi kone mein ab tak,
Socha hai woh raaz bhi kahenge tumse.

Kuch baatein jo kahi nahin ab tak kisi se,
Woh ankahi saari baatein bhi kahenge tumse.

Socha to bahut hai,
Miloge jo tum to kya kya na kahenge tumse.

Magar jante hain hum lab khamosh ho jayenge,
Samne tumhare yeh kuch na kahenge tumse.

-

Kabhi gaur karun to yeh khayal har baar aata hai,
Dil mohabbat mein nahin umeedo'n mein haar jata hai.

-

Dil woh nahin jo aajizi mein rooth jaye tumse,
Yeh to chahega tum hi ko sada, bhale hi toot jaye tumse.

-

Kuch der mil kar baatein saari tamam kar do tum,
Din ko mila do raat se, hamari shaam kar do tum.

-

They say,
"You can't love and hate the same person".

I replied,
"Did your loved one ever break your heart"?

-