नेसुन साडी आरशात त्या प्रतिबिंबाला बघताना
घाई झाली खूप कळीला वेळेआधी फुलण्याची
@गुज

-

तुला भेटण्याची भगवंता आहे घाई
हळू हळू पण जीवन माझे सरते आहे
@गुज

-

कितीतरी दिवसांनी आली तिची आठवण
गच्चीवरती तिच्या रुपाने चंद्र भेटला
@गुज

-

हवा यशाची डोक्यामध्ये त्याच्या शिरली
नंतर नंतर अभिनय त्याचा सुमार झाला
@गुज

-

सोसले होते तिने वैशाख वणवे एवढे
दार स्वर्गाचे तिच्यासाठी उघडले शेवटी
@गुज

-

मोठी स्वप्ने पाहत पाहत कर्ज साचले भारी
हातमिळवणी आता हफ्ते भरण्यासाठी करते
@गुज

-

तू गेल्यावर आई कोणी घास सुखाचा भरवत नाही
कठोर नियती स्वप्नामध्ये भेट आपली घडवत नाही
@गुज

-

वेड प्राजक्तास कोणी लावले सांगा
गंध उधळण एवढी घाऊक का झाली
@गुज

-

उगाच मोठे झालो आपण असे वाटते
डोक्यावरुनी हात कुणीही फिरवत नाही
@गुज

-

झाडावरची पाने सगळी गळून गेली
वृक्ष नव्याने सळसळण्याला तयार झाला
@गुज

-